「岩岩出世果幾日，精神緊張到每日都好驚失去佢…」 生BB前，有朋友跟我說：「好好享受係醫院的日子。」當時我很迷惑，有誰會享受在醫院被困啊？出院後，我明白了！因為爸媽和NEWBORN寶寶作戰正式開始！ 「喜悅以外，新手爸媽更多的是每天活在自我懷疑的世界。」 分分秒秒都擔心因為自己一時疏忽而苦了BB，以下幾樣我地都經歷過，所以我地真係明！亦明白只要我地做足一切可以做既事，其實冇野要再擔心架啦！ 埋身餵驚佢餓親唔夠飽 ？ 2小時就親餵寶寶，飲奶連掃風都用上接近1小時，有時還要泵奶，然後休息不到數分鐘又要下一餐。最慘是擔心BB飲不夠，因為埋身餵是無法量度，又怕BB姿勢不對。  請相信BB！只要BB自願離口，就即是飲飽了，BB肚餓自然就會喊。 如果是黃疸BB就需要特別留意，因為佢地會比較懶訓，必要時先整醒佢餵奶（EG：換片）。 爸媽也可以留意BB的舌頭會否有「痴脷筋」/「心形脷」，因為會影響BB吸啜能力。我家劉B係醫院時被姑娘發現「心形脷」，所以一出院就去左割脷筋了，自此之後，飲奶冇難度嚕！  成日睇住佢仲有冇呼吸？ 諗返起幾搞笑，因為我地好多時係擔心掃唔到風，一係就唔敢放落床繼續抱，一係就放完落床心掛掛。 把BB側睡，背脊放毛巾，即使要嘔奶都唔會怕嗆到。一般我地會側睡15-20分鐘，冇任何異樣就會將BB平躺，以免個頭仔變形啊。 防嘔奶枕，我地既最好幫手！買完完全冇後悔！保持約70度斜度，咁就唔怕啦！ 新仔疹/黃疸/PATPAT紅久久不退？ 出世時第二日開始，就比新仔疹同黃疸纏住～令比卡媽媽好自責係咪陀B唔戒口而引致胎毒。 BB皮膚幼嫩，離開母體後就接觸到咁多致敏原，有紅疹係好正常！因為BB慢慢就會適應，我地只要保持佢面部清潔就OK啦！ 黃疸－BB出世第二日就照燈，照足四日。基本上10個BB總有5個黃，只要KEEP住飲奶，等佢排多D小便，觀察住有冇嚴重到。（方法：用手指輕按BB鼻樑上方，皮膚彈返上黎睇下有冇黃。） PATPAT紅，Vaseline 凡士林！平！有效！勝過其他PATPAT膏！ 沒有人天生就識做爸媽，我們都是從跌碰中成長。育兒過程有幾個TIPS給大家～～ 學會原諒自己：保持穩定情緒，遇到突發事情才會處變不驚。 體諒另一半：我明白孩子照顧上總會有意見不合的情況，但請記住！爭吵無用，解決問題才是最重要！ 欣然接受他人幫忙：人都有軟弱時候，不要迫得太緊，放輕鬆讓人幫忙吧。 不要跟別家小孩比較：每個BB都獨一無二，就算BB有幾難湊都係自己骨肉啊！ 新手爸媽加油！ Follow us: IG: babylaudaily FB Page: BabyLau Daily～劉B日常