今個母親節，我就揀咗大澳同一家人過，因為昂坪360聯乘大澳文物酒店推出咗大嶼山文化一日遊，由昂坪玩到入大澳，再由大澳玩番出昂坪。 點解會係玩轉再玩轉，因為今次買咗「360大澳通」。 套票包括來回纜車門票、新大嶼山巴士來往昂坪及大澳車票、「大澳小艇遊」及大澳小食券(只適用於指定商戶)。 大澳一條龍的旅程，先坐纜車到巿集閒遊。 再到大澳掃街食盡美食。 再到大澳文物酒店參觀同嘆下午茶！真係海陸空玩齊。 真係好抵玩！我哋一早就到纜車站，買咗套票後就即刻上纜車啦！ 哥哥芊芊就最鍾意坐水晶車廂，所以今次都不例外，每次提起到昂坪360，芊芊都會記得在纜車廂內，可以透過玻璃睇到好靚的風景。 一上到車，兩個已經興奮到爬到座位上睇風景。 全程纜車大約25分鐘，連我自己都唔覺，因為風景太靚，每次到步都唔捨得落車，點解咁快就到。今個母親節假期，當然要同偉大又美麗的媽媽來個合照啦！(殊～讓她看的～) 芊芊一邊看風景一邊發現到很多景點，一時看見機場，一時看見港珠澳大橋，還看見有好多小瀑布。 纜車去到中段，慢慢開始上山，呢個時侯坐在玻璃面上，透過玻璃看見下面一片綠悠悠的樹景，真係超治癒。 一上車就興奮到瘋狂拍照，行至中段兩個終於安靜地坐下來欣賞風景。 今日天氣超好，陽光照進來真係好暖笠笠好舒服。 甚麼節日也好，能許願的都只求一家人平平安安，身體健康。 纜車去到後段，將要到巿集了，哥哥看見大彿，就即刻又拎起相片不停拍，芊芊仲幫大彿改咗個英文名，叫「Davi」笑屎我了～ Yo~ 真係好舒服，天氣超好的呢！ 來個指定動作，跟兩旁的「祝福鼓」拍個照，順便教芊芊學習所有祝福詞。 她看着「成功」問我這個是不是「努力」，噢！看來她還真的需要繼續「努力」才可達至「成功」。 又讓這個芊芊發現旁邊有著小兔子裝飾，嚷着要我跟她逐一拍好！ 今次行程第一個行程，先到「立農茗茶」參觀。 自己並不算是一個茶之達人，不過也算是喜愛喝茶的。 我們去了欣賞工藝花茶。 以前都有聽說過這種花茶，可以從味覺及視覺去品茶，有另一個名叫「魔術茶」。 職員姐姐先示範一次給我們看。 我們將要沖泡的就是這個「丹桂飄香」的桂花茶。 芊芊好期待着花開。 開了～ 開了～ 花開出來真的好美！ 茶倒出來後，芊芊要即刻試試看。 噢！這是她的反應，這種回甘味道她這麼小是不懂欣賞的喔！哈哈～ 然後媽咪都嘗試一下來泡茶。 今次來沖個茉莉花，又看看是怎樣開花的呢？ 同樣是超美呀！想看整個效果，要到最下去看影片呀！ 哥哥都開始懂藝術了。 喝過茶後，我們再向下個行程出發了。 來到許願樹當然又要打個咭吧！ 我哋又到動感影院，要看小飛蟻大冒險，芊芊上次看過就已經一直希望可以再有機會看多次。 她知道可以再看真的超開心。 芊芊今次已經第3次看了，還是一樣看得過癮。 來到中午時侯，我們到昂坪巿集走走。 食、買、玩同打咭，昂坪巿集都應有盡有！ 之後我哋就到動感影院對出的巴士站，跟呀姨兌換即日來回車票，乘坐新大嶼山巴士21號到大澳。 每班車大約一小時，所以要看着時間，尤其是假日可能要早一點到去排隊。(班次以當時安排為準) 來到大澳怎可以不掃街呀！我哋拎咗大澳通上的大澳美食券，買咗好多地道小食！ 復興行的滷水大墨魚，真係好好食呀！老闆仲拎出剛滷成的，讓哥哥芊芊拿著打咭。 先拿個白的！ 再拿個滷水的。 其實都有成斤重，不過芊芊也希望試試，老闆小心的交到她手上。 嘗試成功！雖然只可支撐十多秒，已經叻叻給讚了～哈哈 吃過一樣就忍不住口要吃第二樣。 這個大墨魚叫針墨，老闆說這個假期可以賣到接近200隻喔，超厲害！ 這個環島遊都離不開食...食...食... 仲有不得不試的就是這個沙翁！ 幸好早一點來到，我們等待之間，身後已經變成一條人龍了。 全部新鮮即炸，要食就要付出些時間等待啦！ 買過後讓兩個坐在一邊慢慢品嚐。 兩個都話好好食，我們之後由文物酒店回到這裏，都再幫襯多一次。 今日天氣雖好，不過有點過熱，所以沿途都要買個冰西瓜來消暑。 再到大澳妹記，看看人家曬鹹蛋，跟大澳居民閒聊一下，我覺得這樣才算得上是文化遊吧！ 最後還是忍不住要在景點打個咭，這天人不算多，還可以拍到空無一人的時侯。 跟住再用「大澳通」的「大澳小艇遊」去兌換船飛。 同時遊覽大澳棚屋之餘，仲可以吹吓海風解熱，好舒服呀！ 兩個一齊去到船頭有講有笑，仲研究影相！ 之後再直駛向大澳文物酒店 每次見到呢座歷史文物，都覺得自己好似去咗外國咁！ 正好這幾天是彿誕假期連母親節，酒店安排了一個「音樂‧頌恩」的活動，邀請了好多大澳學生同表演者，在酒店表演歌頌母親的音樂。 我哋到步後先去Tai O Lookout嘆番個下午茶。 真係好懷念喔！記得上次來食過一次就念念不忘。 只係$288就可以嘆個2人前的「大澳真味下午茶」。 一入餐就俾呢幅LEGO吸睛。 有着大澳的各種特色。 連棚屋都可以做到！ 酒店都模彷得好似呀！ 我哋食Tea呢個時間，正有隊由小朋友組成的樂隊表演。 邊聽住歌等食的細路！ 年紀輕輕已經願意走上台，在咁多客人面前表演，真係好勇敢好難得！ 支持 x100000000！ 其實小朋友吃不多，所以除咗下午茶餐牌包括的，我再叫多2款小食同飲品，就夠哂我哋一家人食。 好有特色的下午茶喔！都係忍唔住要相機食先。 有我最鍾意的蝦醬雞翼，同埋今次極力推介的鹹魚肉餅漢堡！ 鹹魚肉餅飯就食得多，配漢堡真係第一次，本以為個味怪怪哋，一定唔夾，點知...夾到飛天。 仲有呢個西班牙油條配紫貝天葵醬，油條食得多，原來西班牙都有油炸鬼，而且仲超好食呀！芊芊最識揀，一起手就搶咗個奶凍嚟食！ 哥哥食到舔盤。 還記得這杯「紅樹林特飲」嗎？超Nice！ 相信這個Tea Set來慶祝母親節，媽咪一定超滿意吧！ 然後我哋再參加酒店指定的文物導賞遊。 前身是水警警署的大澳文物酒店，翻新後至今仍保留不少當年文物。 古地重遊！哥哥跟芊芊又再扮一次水警，兩個都長高了不少。 劇本仍然係哥哥做重犯坐牢，妹妹做水警拉人。 離開酒店後，我哋就乘坐小艇回巿集。 最後直接乘21號巴士回昂坪，再乘搭纜車回程了！美好又充實的一天旅程～～ Photo by Sony A7III FE 16-35mm F/2, iPhone 8 Plus 想跟我去體驗其他活動，快D報名親子團，同埋留意專頁公佈詳情啦！ http://goo.gl/forms/CNZMEPoMIWkouK8o2 【昂坪360】 地址 昂坪360東涌纜車站 360動感影院 演出時間（約10分鐘一場） 時間表 平日 11:00 - 17:00 週末及公眾假期 10:00 - 17:30 *其他資料請到官方網頁查詢 電話 36660606 網頁 www.np360.com.hk/ ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 【大澳文物酒店】 地址 香港大嶼山大澳石仔埗街 交通 前往大澳文物酒店之交通安排： 1. 由香港國際機場出發：乘坐S線穿梭巴士往東涌，車程約15分鐘，然後於鄰近東涌地鐵站的東涌市中心巴士總站轉坐11號巴士往大澳，車程約50分鐘 2. 由香港中環出發：於中環6號碼頭乘坐高速船至梅窩，船程約35分鐘，然後於梅窩碼頭巴士總站乘坐1號巴士往大澳，車程約55分鐘 3. 由屯門出發：於屯門碼頭乘坐渡輪前往大澳，並途經東涌及沙螺灣之渡輪，船程約60分鐘。抵達大澳後，可乘坐2分鐘的快艇或由大澳巴士總站步行約20分鐘前往酒店。 備註：大澳文物酒店不設泊車設施。另外，東涌道（石門甲道以南）及嶼南的所有道路已被劃設為封閉道路，任何人士如需駕駛車輛進出東涌道及嶼南的道路，必須持有由運輸處發出的有效「大嶼山封閉道路通行許可證」，並遵照封閉道路通行許可證上所載的使用條件。 抵達大澳後，可乘坐2分鐘的付費快艇*或由大澳巴士總站步行約20分鐘前往酒店。 *服務須視乎實際情況而定 (一般為早上11時至下午5時) 如在交通安排上有任何需要，歡迎致電+852 2985 8383與我們聯繫。 預約電話 2985 8008 官方網站 https://www.taioheritagehotel.com/tch/homepage/Homepage.html (以上資料更新至文章當日) Facebook專頁: 呀劍萬帥 kimfamilytravel Blog網誌 : www.kimfamilytravel.com
