副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[滋味食譜] 韓式豬肋骨配薯角

每逢去西餐廳,見餐牌上有豬肋骨,我哋一定會點一客來吃。豬肋骨配上BBQ醬汁,真係好鬼惹味!諗起都流哂口水!

每逢去西餐廳,見餐牌上有豬肋骨,我哋一定會點一客來吃。豬肋骨配上BBQ醬汁,真係好鬼惹味!諗起都流哂口水! 不過其實自己喺屋企整都唔難,隨時想食都可以整到近乎西餐廳嘅水準!用嚟宴客一流! 今次我就用上韓式醃肉汁去做!醃好放入健炸寶氣炸,簡單又划算,仲要好好味,小b一個人仔都啪咗四條,食唔停口。   我仲用健炸寶氣炸埋薯角,外脆內軟,一定要跟大家分享!   豬肋骨食譜:- 材料: 1. 丹麥豬肋骨 1條 醃料: 1. 韓式醃肉汁(豬) 4湯匙 2. 乾蔥 1個 (剁碎) 3. 蒜頭 3瓣 (剁碎)   醬汁: 1. 韓式醃肉汁(豬) 3湯匙 2. 蜜糖 適量   做法: 1) 豬肋骨洗淨,印乾水,切開兩條,底部用刀喺骨與骨中間輕輕"界"開筋膜,容易入味。 2) 豬肋骨放入密實袋,倒入醃料,用手按摩數下,令豬肋骨均勻塗上醃料,然後放入雪櫃醃一晚。 3) 在雪櫃取出豬肋骨,放室溫30分鐘。 4) 醬汁拌勻,備用。 5) 從密實袋取出豬肋骨,抹去乾蔥蒜蓉醃料,免容易焦燶。 然後放在鋪了錫紙的健炸寶盤上,豬肋骨底部向上。 180度15分鐘,反轉,掃上醬汁,180度15分鐘,再掃上醬汁,200度5分鐘,完成。 **我家用緊美的嘅健炸寶 (型號: Midea MF20B 免油健炸寶 ) **     薯角食譜:- 材料: 1. 細薯仔 2個   調味料: 1. 鹽 少許 2. 蒜粉 少許 3. 五香粉 少許 (可省略。,亦可改用辣粉* 4. 油 少許   做法: 1) 薯仔刷洗淨,不用去皮,切成薯角,用鹽水浸30分鐘。 之後用廚紙印至乾身。 2) 加入調味料拌勻,最後加入油拌勻。 3) 放入健炸寶,180度10分鐘,反轉10分鐘,完成。     notes: 1) 每個氣炸鍋溫度有差別,請自行調節溫度及時間。     #Midea免油健炸鍋 #MF20B #30個月保養 #mideahk