副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[夏日消暑] 迷你冬瓜盅

近日天氣又熱又焗,仲間中落雨,落街一會已經汗流夾背。

近日天氣又熱又焗,仲間中落雨,落街一會已經汗流夾背。 咁悶熱嘅天氣,又想煲湯俾家中大小老闆解暑袪濕,冬瓜當然係首選嘅解暑良品。 去到街市,竟然俾我見到有小冬瓜賣,心血來潮,不如抬個番屋企,整冬瓜盅丫! 其實冬瓜盅並唔係想象中咁難做,只是前功夫會多少少,要花點心機,挖冬瓜肉、切花邊、切粒等。 大家都知出外喺酒家食唔平,自己做,既便宜又足料,飲啖湯都清甜啲,啖啖心機,窩心又滿足! 完成後上枱,小b爸同小b都嘩嘩聲^^太精緻吧!haha...... 材料: 1. 小冬瓜 1個 (約4斤) 2. 冬菇 3-4隻 (我用的是小小花菇,份量要多一點) 3. 瑤柱 適量 4. 雞脾肉 1塊 (細) 5. 蝦 10隻 6. 水 900ml 7. 夜香花 少許   做法: 1) 冬菇洗淨,用清水浸軟,去萣,切粒。 浸過冬菇的水留起。 2) 瑤柱洗淨,用清水浸軟,用手撕碎。 浸過瑤柱的水留起。 3) 雞脾肉洗淨,切粒,下適量生抽、胡椒粉、粟粉,拌匀。再落少許麻油,拌匀,醃30分鐘或以上。 4) 蝦去殼去腸,用少許胡椒粉醃。 5) 小冬瓜切去頂部,於距離冬瓜外皮約1寸,用匙及刀刮囊去籽及挖去冬瓜肉,成碗狀,瓜邊切成鋸齒形花邊。 6) 將挖出的冬瓜肉切成粒。 7) 小冬瓜放在大碗上,放入蒸焗爐蒸20分鐘或隔水蒸20分鐘。 8) 蒸瓜同時,把冬瓜、瑤柱、冬菇、雞肉、冬菇水、瑤柱水放入煲內,注入水,大火滾5分鐘,轉小火煲15分鐘,再加入蝦,滾2分鐘。加鹽調味。 9) 將湯及料加入蒸好的冬瓜盅內,放入蒸焗爐蒸25分鐘或隔水蒸25分鐘。最後加入夜花香蒸多3分鐘。 (餘下的湯及料,可直接大火煲滾,轉小火煲30分鐘)   notes: 1) 材料可用上金華火腿、草菇、蝦米、蓮子、豬肉、燒鴨肉等等。