副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

小朋友帶眼鏡一定係近視? 同埋睇iPad、電視多有關係?

小朋友帶眼鏡一定同睇iPad、電視多有關係?

小朋友帶眼鏡一定同睇iPad、電視多有關係? 帶眼鏡一定係近視? 我哋大哥哥係個要 「帶眼鏡」嘅小朋友。而媽媽經常會遇到親戚朋友問:「Holden 做咩咁細個帶眼鏡呀?....唔好俾佢睇咁多iPad 、電視啦!壞眼呀。。。」   而媽媽通常會話俾親戚朋友知,哥哥其實係有 #天生散光 (即是一出世眼角膜已經係橢圓的半球體,不是正圓的半球體),而散光成因主要係遺傳,後天影響比較少。當然媽媽都好認同養成良好生活習慣,對保障視力有一定幫助。   **就帶眼鏡問題,更試過喺街無端端俾個惡人老伯鬧!!!   記得上年暑假托嫲嫲睇住弟妹,媽媽就帶住大哥哥去學游水。有一日,當就行到泳池嘅時候,突然有個老伯好惡好嬲咁快步行近我哋。我自然地將Holden 輕輕拉到身後,老伯即時舉起手指指住我,用極無禮貌好惡嘅態度話:「都唔知你點做人老母咖?!睇咁多電視,你搞到細路咁細帶眼鏡,佢遲早盲呀!........」當時,我已經拉住Holden 即刻離開,但係個老伯仍然企係到好大聲咁鬧我。 **估計,唔知嘅人可能會誤會我哋係自己人係街鬧交添呀!(恐怖!)   其實我希望講聲,其實3個小朋友平常真係 #極之極之少 睇手機同iPad ,一般外出飲茶食飯媽媽通常會帶定少量玩具同廢紙、顏色筆等俾佢地畫,基本上一畫就可以畫好耐,有時更會帶小圖書出去睇。的確有極少次數於坐車時玩一下手機小遊戲,但係一定10分鐘之內收起。而有時同年輕親戚朋友食飯,3個係會走去其他小朋友到睇下手機影片嘅,又的確係呢啲時候媽媽好少出言阻止。唔阻止,係因為覺得唔需要時刻都太過刻意排除,只要日常生活中有規限唔放任的話,相信還是可以接受呢!   係呢個「帶眼鏡」嘅話題上,雖然會因爲各親朋好友嘅提醒同問候而感到無奈。但媽媽真係衷心感激各位親戚朋友嘅提醒,亦非常多謝關心。為保護Holden 眼睛,我哋每6-9個月就帶佢去驗眼,以確保跟進合時。 而Jordan 4歲視力檢查结果係等同6歲小朋友嘅視力,視光師話依咖好少小朋友可以好似Jordan 咁好視力。但係,反而我又擔心佢大少少會近視,因為不時聽到人講細時無遠視,小學後就好易近視!... 視光師話數據的確 「係」咁! O !NO.......!         LIKE FB: www.facebook.com/threekids.gloria   FOLLOW IG: www.instagram.com/threekids.gloria     有關「散光」資料來源: 衞生署學生健康服務_健康資訊_眼睛_視力健康_散光 . . . . . #hkmom #hkkids #全職媽媽 #香港媽媽 #一湊三 #散光 #眼鏡 #近視 #遠視