副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

下雨天都唔怕悶:超好放電文化博物館~

天氣唔好,冇得去公園、冇得游水......但又唔想困係商場度~~咁爸爸就話不如去文化博物館睇展覽~~(謎之聲:擺明係自己想睇唧~)咁因為我地有整左博物館通行證,變相免入場費~ PS: 一個人整又係$1

天氣唔好,冇得去公園、冇得游水......但又唔想困係商場度~~咁爸爸就話不如去文化博物館睇展覽~~(謎之聲:擺明係自己想睇唧~)咁因為我地有整左博物館通行證,變相免入場費~  PS: 一個人整又係$100,一家人有親屬關係又係$100~有主題樂園證仲有9折,每張申請表最多4人申請~~抵到爛。。。  我地搭巴士去到沙田,再經商場行去博物館大約15分鐘~~好易行到咋~~一去到,裕喬喬已經知道爸爸想睇咩展覽~~   百物看世界:展覽由大英博物館借出展覽~~有石棺、雕像、器具、裝飾品;由古至今的物品都有~~個展覽仲好好心機咁有本護照俾遊客chop印仔~~不過對於裕喬喬仲細,未有太多耐性陪爸爸慢慢欣賞喲~~大約睇左一個小時就快閃睇完。。。  睇完有咩做?繼續睇展館?!原來係博物館的深深處隱藏左個兒童探知館架~~裕喬喬見到勁開心咁衝左入去~~天藍色既指示牌,一入門口右邊有大大幅色彩繽紛的牆,一睇就知係俾小朋友遊玩的地方啦~~~呢個展館分左幾個區域:農村生活、米埔遊蹤、玩樂無窮、考古園地、閱讀室、海底花園、泥土的奇珍,仲有個好大既遊樂室,擺滿各式各樣既懷舊玩具~~   農村生活:好似一間屋仔咁,入邊放左舊式農家人既用具~   米埔遊蹤:算係最大既一個區域~~由入口左邊到上層都係~~有介紹基圍蝦、雀鳥咁~~都幾多野學同玩架~~  玩樂無窮:有少少漫畫書睇,每枱仲懷舊的小玩意,例如七巧板、公仔紙咁~~   考古園地:一個俾小朋友發掘的地方~~有得砌碗、玩托印仔~~可惜冇膠片玩投射燈了~   閱讀室: 有唔同種類的圖書同玩具,可以俾小朋友同大人親子共讀~~   海底花園:樓梯底下的小角落,有2部電腦仔俾小朋友學習~~另一邊有個小魚缸,原本可以俾小朋友入去感受下水入邊係點,可惜當日冇開呀⋯⋯   泥土的奇珍 :介紹泥土同泥入邊既昆蟲,動物~~(媽媽表示驚驚⋯⋯堅討厭昆蟲⋯⋯)   穿過海底花園同泥土的奇珍,就會黎到一個超大既懷舊玩具展覽館咁~~有唔同的玩具,例如毛公仔、巴士、火車、棋類玩具~~中間張大枱仲擺左幾個電子玩具,裕喬喬都好鍾意玩~~     裕喬喬係呢度玩得超開心呀~~佢一邊探索、一邊發掘有趣的事物~~仲約定下次要再去過~~  我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品~ https://www.facebook.com/JacoYK/ http://www.instagram.com/zita_jaco