副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

落雨去邊度玩?荃灣帝盛酒店遊樂區- $90一大一細玩四個鐘!

Playroom有人數限制,餐廳嘅食客仲可以優先使用playroom!所以如果唔想白行一趟,最穩陣都係book餐廳,定位時再講埋要去playroom玩。

以為去酒店玩playroom會好貴? 咁你就錯啦~ 我哋上星期五下晝去玩,一大一小收費$180,可以由兩點玩到六點。 本身$180玩4個鐘已經好抵,我哋幫襯埋酒店嘅餐廳Cafe Dosette,去playroom玩仲有得半價 即係$90就可以玩四個鐘! 如果玩全日,仲可以用埋酒店嘅泳池! Playroom有人數限制,餐廳嘅食客仲可以優先使用playroom!所以如果唔想白行一趟,最穩陣都係book餐廳,定位時再講埋要去playroom玩。 餐廳嘅嘢好唔好食? 餐廳提供半自助餐,buffet嘅部份有簡單嘅沙律、餐湯、麵包、甜品等等,食物選擇唔多,Main course 質素正常。最正係有MÖVENPICK  ,當日有朱古力味同埋雲呢拿味! (價錢可以參考呢度:https://eatigo.com/hk/hong-kong/zh-hant/r/dorsett-cafe-dorsett-tsuen-wan-hong-kong-2000349) 講下有咩玩: 1️⃣一入到去先見到一座城堡,旁邊有公主裙可以換裝!不過數量唔多,先到先得啦~ 換完之後仲有位俾公主影相 影相位旁邊有書架,都有唔錯嘅繪本,各位公主可以攞書入城堡睇。   2️⃣ 城堡後面係消防員區,有消防員制服俾小朋友換,仲有消防帽同迷你滅火器! (不過兩位小姐冇乜興趣!) 3️⃣再行入啲就有波波池,係粉色系嘅波波池啊 波波池對正泳池,幾開揚~ 雖然個波波池唔係好大,但兩個細路都係玩到癲晒!!! 4️⃣行到最入就係超級英雄嘅範圍 有PJ mask衫可以換,有攀石牆,超級放電! \ 5️⃣最後再玩埋小小城區 入面有甜品店、超級市場同埋診所!診所有醫生護士衫比小朋友扮下嘢~ 兩個細路覺得扮醫生/牙醫/護士/病人好好玩,喺度玩左超耐 ~ 呢個玩樂區冇得電話預約,只能預約餐廳。餐廳電話永遠都無人聽,可以上官網 / Eatigo訂位 https://www.dorsetthotels.com/…/di…/dining-reservation.html… ~ 泳池唔係好大,不過有小朋友玩嘅船仔,如果好天玩埋泳池都唔錯 ~ 玩樂區冇乜刺激嘅玩意,冇啲好高好快嘅滑梯或者攀爬架,鍾意刺激嘅小朋友就未必咁啱玩 ~ 住址: 香港九龍葵涌健全街28號 大窩口地鐵站行過去大約10分鐘 酒店有提供免費穿梭巴士服務從酒店往返葵芳港鐵站、機場快線青衣站及尖沙咀 (https://www.dorsetthotels.com/…/dorsett…/transportation.html)   ************************************************************************************************ 喜歡我嘅分享嘅話,記住like同follow我個Facebook page呀:) https://www.facebook.com/natalie.nathan.mum/