副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

5個拍攝懷孕照的小建議

泥圍爸爸一直也想在小朋友出世前,為太太和自已拍一次懷孕家庭照。最近,終於下定決心完成了這輯相片。透過跟大家分享相片,希望也給打算自拍懷孕家庭照的準爸爸一些小建議及參考。

泥圍爸爸一直也想在小朋友出世前,為太太和自已拍一次懷孕家庭照。最近,終於下定決心完成了這輯相片。透過跟大家分享相片,希望也給打算自拍懷孕家庭照的準爸爸一些小建議及參考。 建議一:照顧太太的一切需要 各位攝影爸爸,懷孕照最重要是甚麼?當然是您的太太吧!太太係成輯懷孕照既靈魂,因為沒有她,就不能拍攝懷孕照!呢一點我猜想大家都明白。我建議準備櫈不時俾太太坐,另備適量乾糧及飲料。始終影一輯孕照可能需要一至兩小時,體貼些好。若然是户外拍攝,最好帶備太陽油,以免不必要的曬傷。 當然,大家亦可在拍攝前數天問問太太有甚麼需要,及早準備為妙。 建議二:不必跟風,最好的風格就係做回自己 如果大家和我一樣,都是業餘攝影愛好者既話,建議切密盲目跟風。大師級作品水準之高,豈會容易模仿得到?若相片最黎拍成「四不象」,後果會很嚴重。(大家懂的) 做回自己,其中一樣係準備一兩樣有共鳴的物品。我記得我同太太拍攝時,除咗有準備吹泡、紙杯聽筒、超聲波相、衫仔鞋仔呢啲基本野之外,我仲準備左一個繡小朋友名既鎖匙扣同人體彩繪腊筆。與大家既經歷有關的,都建議可以拎出黎作為道具,令自己輯相具有自己元素,相比跟風更見特別。 地點方面,如果無華麗既背景都唔緊要,因為一家人既真摯交流先至係主角。我同太太室內影既都係用家中素色既牆,配上唔同既道具同動作,基本上都已經足夠。 建議三:與太太溝通充足,做足網上資料搜集 影前數天可以大家溝通清楚拍攝方式,例如甫士、襯衫及道具等等。呢方面可以上網搵相片做參考,作為男士不妨多做一步。 假如未有想法,可以嘗試拍攝大家交流的畫面。 建議四:準備攝影器材 可能你會覺得攝影器材應該值得放在本文較前既位置,但請別忘記,按下快門只係一秒,但做漏前文提及的幾動作,相片不合心意,隨時會記一世! 總之,器材是重要,但大家既交流卻是更重要。 一般而言,自行拍攝必定要預備腳架及遙控器。如果相機廠商有推出手機App,最好下載並使用,影完緊馬些看效果會安心很多。 建議五:後製相片 看來不用班門弄斧比較好。但整體而言,後製可以分兩部分:執色水及執瑕疵。 色水方面 ,建議可以調得柔和啲降低對比度,色水太濃成個格調會變得奇怪。而執瑕疵,當然是下巴手臂大腿暗蒼同白頭髮吧!   如果大家有興趣睇下其他懷孕照既參考照片,可以Click入泥圍爸爸的育兒時光既Facebook Page交流或查詢。   Facebook Page:泥圍爸爸的育兒時光 (https://www.facebook.com/laiwaipapa/) 歡迎大家Follow Facebook Page,多謝支持!