男仔鍾意車車好正常，尤其係識響既警車、消防車同救護車～～上次多得 #米豬媽媽 幫忙book到參觀百勝角消防救護中心～～今次就等我出動去排隊拎警署開放日開券啦～～      係好耐之前一直都有留意住，但遲遲未見到領取門票資料～～好彩早2日終於有喇，係尋日同今日可以親身到中區警署排隊領取門票～～咁我就晨吉起身，放低裕喬喬俾老公，9點前就去到位於上環的中區警署，門口已經有人龍，但好彩唔算長～準時9點登記攞籌，10點再番去拎門票～～ 日子就冇得揀，6/1排隊既就係6/15既門票；6/2（今日）拎既就係6/16既門票～～呵呵，父親節正日，又可以諗少樣節目～～咁因為有時段限制，警察哥哥就叫我地諗定要上午定下午時段～～每人限取4張咋～～咁我就揀左2張上午，2張下午既門票～～ 10點番去又再要排隊拎門票⋯⋯點解唔一次過做呢⋯⋯好彩排隊時間唔算耐，但太陽伯伯太曬，排一陣就汗流夾背⋯⋯不過偷聽到如果未登記既反而可以直接排隊拎門票⋯⋯如果大家有興趣既，可以試下今日之內去拎呀～～      我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/ http://www.instagram.com/zita_jaco