副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

低碳環保既父親節大餐:Lis Cafe

臨近父親節,梗係要搵間好既食店借d易食好西~~不過因為下星期好忙,冇機會慶祝,只好提早一個星期慶祝啦~~我諗爸爸應該都唔會介意既~~咁因為同裕喬喬去多左海洋公園,對環保意識高左~正正係黃竹坑既 L’H

臨近父親節,梗係要搵間好既食店借d易食好西~~不過因為下星期好忙,冇機會慶祝,只好提早一個星期慶祝啦~~我諗爸爸應該都唔會介意既~~ 咁因為同裕喬喬去多左海洋公園,對環保意識高左~正正係黃竹坑既 L’Hotel 內的Lis Cafe 就有咁既概念~~首先,餐廳採用環保物料去建造,而店內環境都係同海洋有關,有枝燈好似milk fish 咁架~~~第二,亦係最重要既食物,餐廳採用環保海鮮~~根據WWF指引,不論是飼養或捕捉的海鮮,在生產或捕撈過程中,盡量減少對生態環境的破壞,達至可持續發展的概念,就屬於環保海鮮。另外,餐廳比較少肉類菜式,咁相對可以減低埋碳排放~~邊食邊教裕喬喬少少環保概念,都唔錯架~~    餐廳內分左幾個區域:最先見到既係甜品區,跟住冷盤、熟食、最後就係要用到刀、廚具既烹調區~~ 甜品區當然有唔同種類既蛋糕、精緻既布甸、和果子咁~~另外,仲有自製既柚子蜜蛋散、葡撻、麵包布甸~旁邊有雪糕櫃,裝滿左 Haagen-Dazs雪糕杯~~餐廳仲好細心,特設Candy table 俾小朋友~~跟住仲有中式甜品,當晚係花生糊~~    行入少少有冷盤區,當然有優質既凍凍海鮮:蟹腳、螺、蝦同蜆~~好多人夾,但都refill得好快,所以唔駛擔心食唔到~至於沙律就有5款醬汁6款菜可以自己配搭~~其他冷盤都有特色,唔係放幾款火腿就算,當晚就有雞肉、鯖魚同煙三文魚喲~~另外,仲有涼涼既蘋果汁、橙汁同凍水供應~~    中間位係熟食區,有幾款咖哩、飯、炒烏冬、炸物(有5款)、辣辣區~~辣辣區有長洲大魚蛋、XO醬小炒、最吸引既避風塘炒蟹同辣酒煮花螺,諗起都口水流~~~唔少得就梗係熱湯,有中湯同西湯,仲有泥鯭粥食添~~餐廳仲擺放左2部咖啡機同埋4款茶類俾食客無限飲~    最後行到最入既烹調區,最右邊有6款刺身、壽司同迷你丼飯,但點解刺身要放到最後??因為廚師搖鈴就有即時劏魚既環節~~旁邊就有天婦羅、湯粉麵同即點即煎扒類~~       除左出面拎既食物外,每位食客都可以有二選一精選菜式,當晚就有蒜蓉粉絲蒸扇貝或者日式燒扇貝~~2款各有特色,而裕喬喬就鍾意蒜蓉蒸扇貝,勁like 粉絲~~    食物質素可以話係中上,食材新鮮又refill得快~鍾意海鮮既朋友一定會勁鍾意,但如果食肉獸既朋友就爭d喇~~不過呢度大廚奉行少油、少糖、少鹽,我覺得好啱小朋友食~仲有就係呢度張BB櫈超型,好似坐緊賽車椅咁~       裕喬喬坐得舒服,見到大大盤刺身超開心話要食~~等你大個點,一定俾你食  黎緊仲要有大優惠! 於6月12日前預訂6月15及16日的父親節假日早午餐或自助晚餐,繳付全數訂金即享9折早鳥優惠! 每位爸爸於自助晚餐時段獲贈【椒鹽鮑魚及本地啤酒】1份。 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品~ https://www.facebook.com/JacoYK/ http://www.instagram.com/zita_jaco