副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

2+1: week 10-12 (好長文...)

好忙呀.....搞 Annual Dinner 已經忙到咩時間都無..

好忙呀.....搞 Annual Dinner 已經忙到咩時間都無.. 連呢個blog都暫停左紀錄.....   好講返week 10. 我第一次去醫院產檢. 我係book左聯合. 1月30日, 就係第一次登記+見姑娘喇 之前已經知道當日唔會有超聱波可以見到BB, 我同大少比預約早左少少到. 都唔俾我地登記住..要夠鐘先得.. 但其實無咩人 =.= 咁大少就叫我去左留小便先, 陣間一要就可以俾姑娘. 去窗口登記完, 就去度高, 磅重, 量血壓, 留小便樽係枱. 姑娘放完試紙就倒得. 之後就填問卷, 問下家族病史, 2夫婦既相處, 對有BB既感覺. 再之後就係一齊睇ppt....介紹下有咩service, 有咩係醫院check, 有咩要自己出去私家check.. 睇完, 填完.. 就等叫名入去見姑娘. 大少無得入 XD 佢有D失望, 因為好似無咩參與咁. 見姑娘都係傾下計, 問下有無唔舒服, 之後就好多小冊子拎走.  姑娘同我預約下次返去做唐氏, 同下下次返去見醫生. btw, D姑娘都好好人, 我想像中係好無禮貌, 會黑面. 但佢地都無, 仲幾好傾 XD 最後就係去另一間房抽血! 好驚抽血既我次次都好緊張. 好怕好似婚前檢查果時咁D血好慢, 要拮幾次... 不過個姑娘手勢好好, 唔會好痛, 又好快手抽完3支. 咁就走人lu~ 其實佢地又無照又無剩, 點知BB係成長緊既呢?! 以下係網上搵到的圖, 大概知道幾時要睇一次~   week 11: 恭喜發財! 呢個week係新年呀~ 我見胃口都好左少少. 都係食多左野. 今年好想食蘿蔔糕 XD 有家人俾利是果時叫我地快D生, 我地都笑笑口話快喇快喇. 有知道左既家人就對我好照顧 但因為未夠12周, 所以又唔可以好公開咁講..因為好難忍架jek   呢2個星期成日都會諗, 我宜家除左會想嘔, 同十分唔中意飲水外. 我feel唔到BB既成長..有時都會擔心...唔知佢點呢? 所以我就的起心肝, 趁13周前, 去搵私家做nifty, 順便見下BB嘛   week 12: 忙呀!! 呢個星期Annual Dinner, 真係成個新年都瞓唔好. 真係自己負責一個大project, 好大壓力呢.... 2月12日, 忙完個Annual Dinner 2月13日, 就去做Nifty 喇. book 左尖沙咀卓越方醫生. 由於我想媽媽參與多D, 所以我同佢講左會照BB, 叫佢同我一齊去. 佢當然開心同興奮啦 當日約左4:45pm . 咁岩果日要係office 調位, 所以又me me momo搞到4點先走. 去到卓越已經接近5點. 好多好多人呀...坐滿個大廳... 我去登記, 磅重, 量血壓. 之後坐多一陣就入去見醫生喇. 方醫生好好笑容, 同好有耐心. 講左2句, 就上床照BB喇. 好開心呀...6 weeks 照閃閃後係第一次見呀!!! 原來呢6個星期, 我有我生活, 佢有佢長大...佢已經發育成一個人仔既型態. BB成日郁來郁去. 好活潑!!  仲同我地揮手 ahhahahaa..(好好想像力既媽媽) 醫生慢慢講, 呢個係頭仔, 背部, 手仔, 手指骨, 腳仔, 大脾.... 我同媽媽睇到好神奇...媽媽仲話佢鼻高 XD 但佢就又Q腳又棟腳. 所以見唔到好清楚既腳板仔同姓別. 之後就去抽血做Nifty, 2星期後有report. 呢個姑娘手勢都OK. 知我怕, 仲同我換幼針 hahaha 抽完血, 上返去俾錢, 就走人lu...