副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

2+1: Week 17 + 18 (流啡?!)

C 伙囉...做咩咁懶架..成日以為有update添~

C 伙囉...做咩咁懶架..成日以為有update添~   其實呢2個星期都係差不多啦. 分泌物都係幾多. 有時仲好水狀.. 一日要換2-3塊護墊. 個毛毛位有時冤冤地, 冤冤痛咁.. 又會扯住...   係上星期18w果日有D特別野想記低. 果日早上10點幾, 係公司打打下字, 個肚臍左面好似有野了了下.. 我無理..之後又R多一下. 我就對住個肚問: 你咪你呀BB? 之後無左反應... 個感覺好似有虫虫了, 或者有人隔住肚皮去R你咁. 唔通就係我好期待既胎動?   另一樣就係當晚同朋友仔去左食但馬屋. 因為對上一星期等左2個鐘都未有枱. 死心不息既我地又去食多次. 今次有訂枱仲加埋攞飛. 誓要食到呀!! 哈哈~ 好顛.. OK...this is not the point!! 個重點係..我返到屋企沖涼見到護墊有一點啡 點解會咁架???? 我真係驚..又回想一下自己有無做左D咩危險野....無丫.. 之後星期六日, D分泌又多, 又水. 上網睇, 我嚇一嚇..會唔會漏羊水? 所以就約左睇醫生.(無同任何人講...) 星期一(25/3) 下午睇楊醫生 (btw, 我覺得方醫生好D). 去到同佢講流啡, 佢話睇左BB先. 照完一切安好..(都放心D).. 心跳正常. 因為睇到宮頸有D短(<2.5cm), 所以照埋陰超. 如果太短會容易早產.  陰超係有D唔舒服..不過照到正常就放心曬~ 肚有時冤冤痛又會扯住, 係子宮擴張. 之後醫生俾我睇埋3D. 不過個衰豬用手遮左個樣.  唔通想我同爸爸係20w 照結構一齊睇, 所以要保持神秘? 其實醫生都答唔到點解會有一點啡, 不過無持續, 同埋唔多就唔緊要. 唯有自己check住啦. 睇完又俾左$1000...