仲有一個月小朋友就放暑假啦! 個半月流流長  家長們一定會幫小朋友四圍揾野玩消磨時間 平日功課壓力咁大  長假期當然要去旅行relax下  仲有唔少得報 d course同小朋友充實一番 米高媽媽同大家精選咗五間不同類型嘅Learning center  希望幫到各位繁忙既家長們啦 1.  KIDVERSITY  童學薈 (分店: 荔枝角  觀塘  荃灣   沙田   澳門) Kidversity係包包join既第一間playgroup學習中心 一小時課程主要以英語授課 老師開始時會先用shaker伴兒歌唱遊   同各位小baby warm up  同時教小朋友坐定定 跟住會同大家做下熱身運動  訓練大肌肉  而且可由家長陪同  大大增加親子相處時間 哩度每一堂課程都充滿新鮮感  完全明白小朋友係坐唔定既生物 所以就有各類互動小遊戲  小朋友可於課室內自由活動 從遊戲中學習 如顏色分類及數量概念等 爲豐富小朋友嘅幻想力 老師更會爲佢地打扮成小蝴蝶  利用小工具捉昆蟲採小花  小朋友玩得好非常投入 至於導師們手作非常強勁 為了以動物園為主題 用上環保材料製作出立體動物 教導小朋友肉食性及草食性動物嘅分別 仲可以於芭蕉樹上摘真香蕉 強! 每堂指定環節 大玩Sensory play 刺激小朋友觸感 分別玩過麵粉 青瓜 意粉等  於限時內玩完之後   再教導小朋友交還工具俾老師 哩度上堂唔使咁擔心小朋友會肚餓 因為Sensory play會加入小朋友大感興趣既神奇食物 如顏色意粉 黑芝麻扮螞蟻飯 蘿蔔條白飯扮新年炮仗 蒸南瓜 聖誕老人果漿忌廉麵包  包包次次都食晒架~ 呢度嘅校長仲好NICE  時不時會扮鬼扮馬氹小朋友開心 一齊上堂唱歌講故事 同學生家長感情非常好 如果遇上任何育兒問題  都可以同校長老師交流一下 佢地會從上堂時觀察到嘅實況  再同你跟進小朋友可以改善嘅地方   偶爾仲會安排小小藝術家環節  俾小朋友用手仔腳仔畫筆大玩顔料及用家長一齊做拼貼親子勞作 之前我哋喺荔枝角分店上堂 出面會有好大個地方嘅Play area畀小朋友玩玩具 仲有瀡滑梯  所以上堂前同放學後都可以俾小朋友大玩一番 完成整個課程後  更會為小朋友送上一張結業證書 2. FIRST FOOTPRINT FIRST FOOTPRINT主要係爲包包準備入讀幼稚園前既分離班課程 (大踏步預備班)每堂為一個半小時  可由一位家長陪同 只要小朋友ready 家長就可以選擇離開課室 放心俾朋友學習獨立成長  包包經過一個月既環境熟習後 正式宣佈成功分離 哩度主要以中文授課 模擬幼稚園上堂情況 學習群體生活 開課前 老師會同小朋友講出當日日期 星期幾及報上當天天氣 仲會同小朋友點名及說話訓練 例如問小朋友今日係坐咩交通工具番學   再鼓勵小朋友舉手出去答問題 建立自信 課堂會有不同主題 是日課程為:日常生活 教導小朋友學習用筷子  需要每日早晚刷牙及牙齒健康的重要性 而且課堂仲會安排體操活動 訓練小手肌靈活性   是日課程為:職業  透過角色扮演認識各種不同職業  而且用上獨特方法教導小朋友認字 (如"大"字 配合相對"大字型"動作) 增加小朋友對中文字嘅興趣 創辦人沙老師用心安排課程 課程運用7個感覺統合元素及不同教材  增加小朋友專注力 而且更會加入美術視藝做小勞作 由老師引導幼兒創作 增強小朋友美感及表達能力 從而訓練小手肌 所以每堂都有得意小手工帶返屋企 今堂包包就製作左條花花掛飾   呢度仲會好似幼稚園咁 採用主題式教學 例如教小朋友不同嘅節日概念  而(大踏步班) 每月會好似幼稚園咁 為小朋友開生日會 中秋節更會俾小朋友認識月餅盒及淺嘗月餅 同時學習自理能力-食茶點及自行收拾餐具 而小手工都會圍繞中秋節   製作出紙製燈籠及貼裝飾顏色紙 聖誕節更模擬聖誕老人同聖誕鹿 用小工具及輕黏土製作聖誕樹及薑餅人 茶點環節更可以食到薑餅人 加強節日感   當初會揀呢度仲因為佢有個幼稚園面試訓練 老師為你mark低心儀學校 跟住會因應相對學校既面試題目而訓練小朋友 而且仲有小朋友及家長既模擬面試安排 為家長大派定心丸 FIRST FOOTPRINT暑假夏令營可參考以下連結： https://www.firstfootprint.com.hk/summer-course-2019 如有查詢  可Whatsapp 9335 0739或致電 3709 8450 地址: 佐敦白加士街2-8號栢嘉商業中心6樓04室   3. Preface Nomad  未來係人工智能時代 生活將完全電子化 所以STEM課程大勢所趨 而全球多國有超過一百萬小朋友已開始接觸Coding編碼課程 偏偏香港未被重視 經朋友介紹認識到Preface Nomad學習中心 佢哋提供咗三至五歲嘅編碼暑期課程 透過簡單拼圖了解Coding概念 從而教小朋友學習程式指令 只要利用小指尖在平板電腦上操控 自選背景 角色 配合動作及程式指令 就能夠製作出簡單小遊戲 年紀大d既小朋友會以Project形式學習 從日常生活中 人類所遇到既問題 研究如何透過Coding改善生活 學術固然重要  但學以(未來)致用更重要 "別讓小孩趕不上大世界" 4. Graceful Hands 之前介紹過Graceful Hands既好玩課程 包包大讚 仲成日問幾時再番學 文章重溫: 【 週末 ★ 玩轉實驗室】 佢地既課程相對多元化   當中包括Cooking class 是日煮打: 吞拿魚沙律長通粉 課堂更有食譜提供    仲會叫小朋友畫下今日煮d咩 真係有得玩又有得食呀~ Science Class 就玩近期至hit 小朋友大愛既Slime (俗稱:鬼口水) 玩既過程可以訓練小朋友小手肌 佢地既summer camp自由度高  有多種課程選擇 (如Lego logics / Super star theatre / Amazing Crafty / Drama School / Smarty Creation / Computer Fun /  World Explorer / Mad Scientist / Engineering /  Game Board Vocab / My Little Showtime) 全日Summer Camp仲包埋lunch 每日學到五個不同課程 非常充實 分店: ( 黃埔 / 美孚 / 元朗 / 荃灣西 )  查詢電話: 66168282 5. BookTalk 之前介紹過既一間可以俾小朋友學好英文 愛上閱讀既Language centre 出post後  家長詢問度極高   仲好多媽媽去試堂報course 米高媽媽誠意推介  文章分享: 【 週末 ★ 學英文 + 培養閱讀興趣班】 佢地既summer course以Story為主導   分別有: (Speak & Story / Phonics & Story/  PN Speak & Story / Baby Play & Story/ Perform & Speech Story / Write & Story / STOP MOTION / STEAM & STORY) 可以因應小朋友所適合既課程類別  對於包包黎講  學佢比較弱既Phonics & Story 應該最適合不過   地址: 銅鑼灣禮頓道26號凱基商業大廈3樓 查詢電話: 3485 6066   其實除左以上推介  米高媽媽建議暑假期間仲可以加入運動 / 樂器 / 小朋友自選活動 / 義工活動等 等小朋友過一個開心豐盛既Summer 如果妳地對以上課程感興趣  當中有個別Learning Centre 米高媽媽為大家爭取到獨家【讀者優惠】 只需Like 包包陪細佬b看世界 facebook專頁便可inbox獲得優惠碼 *優惠有限 送完即止"