副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【親子好去處】黃金海岸酒店 PJ Masks 睡衣小英雄

又到暑假啦~ 打頭陣當然要帶哥哥芊芊再來他們最喜愛的黃金海岸酒店,每學期尾見他們辛辛苦苦的閉關溫習應付考試,實在要慰勞一下他們倆,而且今年還有他們最愛的PJ Masks,他們知道後立即「心心眼」!

又到暑假啦~ 打頭陣當然要帶哥哥芊芊再來他們最喜愛的黃金海岸酒店,每學期尾見他們辛辛苦苦的閉關溫習應付考試,實在要慰勞一下他們倆,而且今年還有他們最愛的PJ Masks,他們知道後立即「心心眼」!       今年暑期黃金海岸酒店顆拍 PJ Masks 睡衣小英雄推出夏日住宿計劃。     除了可以跟很多 PJ Masks 角色打咭外,有Workshop可參與,晚上仲有 PJ Masks 派對,讓小朋友跟 Catboy, Owlette 及 Gekko 見面,玩遊戲睇電影,個個都繼續做「繁忙兒童」。     另外在夏天去得黃金海岸酒店,又點可以唔大玩戶外上遊戲同到泳池游餐飽。     我們一到酒店大堂,已經被 PJ Masks包圍。     快快的 Check-in 後,就急住要快到房間參觀。     哥哥芊芊興奮到不斷問我關於 PJ Masks 的問題,原本我對它一無所知,依家都可以變專家了。   急不及待入到房,見到床被舖全部都係 PJ Masks,兩個即刻開心到見牙又見眼。     行出露台仲有個無敵大海景!         除了可以將 PJ Masks 緊緊抱住,仲有小帳篷、 圖書、杯等,小朋友住都住得特別開心。         今次我們參加了兩個主題工作坊,先來製作英雄面具。   哥哥跟芊芊早已跟小寶商量好,各自選擇一個角色去製作。     穿針縫線對哥哥完全零難度,芊芊看得多哥哥做,都有一點功力吧!       霎下眼就已經完成好。     睇住佢兩個戴起面具,真係覺得好攪笑同超可愛。     然後再來製作鮮果撻,這個來得正好,因為他倆都有點餓了。       哥哥同芊芊早已駕輕就熟,不過我覺得夏日炎炎,下次可以來個消暑飲品製作。     芊芊注專的一下一下,準備要做撻的鮮果。   對小朋友來說,真的有很大成功感,有得玩又可以讓小朋友有學習機會,真的是個很好的親子活動。   小朋友還可以為鮮果撻設計盒子。     雖然畫得不太靚,不過芊芊都一樣咁開心。   完成工作坊,我哋就到大堂同 PJ Masks 角色打打咭。     芊芊對 Owlette 情有獨種。       我哋仲等到三大角色登場,可以近距離攬住佢哋。 睇住佢哋咁興奮,就好似大人見到「E神」同「姐輪」咁,哈哈~     在主題房間有一個「尋找睡衣小英雄角色小遊戲」紙。   我就帶着他們倆到酒店周圍,去搵齊各個角色完成小任務。         每搵到一個角色完成問題,兩個就超開心興奮。   然後還來到酒店的花園繼續搵餘下角色。     又搵到一個了!   完成所有問題,我們就到鯊魚冒險島,去換領禮物啦!     晚飯前一於讓他們在鯊魚冒險島放電吧!                     跟小寶在酒店一起享用晚餐,芊芊還完成了剛才的填色紙,真的很愉快喔!     第一天最後一個活動,就是參加晚間派對 (只有計劃期內的星期六)   還可以穿上 PJ Masks 的睡衣喔!超酷~   這3個毛孩一早就已經說好了誰扮那個角色。     每人都要有機會站在中間,他們是草蜢嗎?哈哈~   在電影欣賞開始前,場內還有其他小遊戲,可以俾小朋友去挑戰一下。       這個真的很特別,好似驗眼一樣!     最重要時刻到了,小朋友都乖乖快快揀個靚位,坐下去睇戲!     到了第二朝早上,吃過早餐後,終於要到今次住宿計劃的戲肉啦!     當然就係要落水玩餐飽啦!   我哋帶埋住宿計劃附有的遊戲咭,到戶外水上活動玩齊各項設施。 佢哋最開心就梗係玩充氣滑水梯啦!                 今年夏天特別熱,去到黃金海岸酒店,梗係要到泳池游番幾轉。             這兩日一夜的住宿體驗,跟以往的同樣精采豐富,我哋一家都玩得超開心唔捨得走呀!           Photo & Video by Sony A7III FE 16-35mm F/2.8 & GoPro HERO 7 想跟我去體驗其他活動,快D報名親子團,同埋留意專頁公佈詳情啦! http://goo.gl/forms/CNZMEPoMIWkouK8o2   呀劍評分: 10分   呀劍評語: 每次來到黃金海岸酒店,就好似回到老家,大部份酒店職員都幾乎認識,他們都看着哥哥跟芊芊長大,真係體驗到甚麼叫賓至如歸。雖然來了數次,但每次同樣給我們驚喜及愉快的兩日一夜,真的...再次多謝黃金海岸酒店。   睡衣小英雄夏日住宿計劃 簡介 今個暑假,PJ Masks (睡衣小英雄) 將現身於酒店,並誠邀您家中的小英雄加入他們這個好玩刺激的旅程! 小朋友可於日間參與PJ Masks主題戶外水上遊戲及手工藝坊,訓練身手,成為英雄一份子。於特定晚上更可親臨PJ Masks 晚間派對*,透過完成PJ Masks主題任務以展示實力,屆時亦有機會與Catboy、Owlette 及 Gekko見面。   推廣期 2019 年 6 月 21 至 9 月 1 日   甫登記入住,小朋友便可收到獨家的PJ Masks連帽斗篷作見面禮。凡於7月15日或之前預訂,更可額外獲贈PJ Masks禮品乙份。另外,PJ Masks的超級粉絲不容錯過升級入住全港首間的PJ Masks主題客房^ ,讓你的旅程更精彩難忘。   更多詳情 https://www.sino-hotels.com/hk/gold-coast/tc/families-and-kids/2019-pj-masks-summer-fun-room-package/   地址 屯門青山公路青山灣段 1 號 鯊魚冒險島遊樂場 開放時間 星期一至五:上午10時至下午8時 星期六、日及公眾假期:上午9時至下午10時 收費 酒店住客: HK$100 / 50分鐘 非酒店住客: HK$150 / 50分鐘 * 以上收費為一位成人及一位小童 * 凡預訂於「酒店優惠」網頁內所列出的住宿計劃,可免費暢玩乙節 兒童小火車 開放時間 上午10時至中午12時及下午2時至6時(來回大約10分鐘) 收費 酒店住客每次$40/ 非酒店住客每次$60 飛天鋼索 需提前預約,只供6歲或以上,身高超過120厘米及體重不超過100公斤之人士使月 收費 酒店住客$40兩款滑索道各享用乙次/ 非酒店住客$60兩款滑索道各享用乙次 至Kids遊樂園 開放時間 上午9時至下午6時 免費   *詳情請參閱主題客房計劃內容或遊覽以下網址:  https://www.sino-hotels.com/hk/gold-coast/tc/facilities/ 使用設施前,需向職員預先登記   電話 2452 8888   網址 https://www.sino-hotels.com/hk/gold-coast/ (以上資料更新至文章當日)       Facebook專頁: 呀劍萬帥 kimfamilytravel   Blog網誌 : www.kimfamilytravel.com