副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

8大母乳知多少?

八大母乳知多少?

八大母乳知多少?   餵母乳好多人都知,今日分享吓母乳有咩特別之處,如果有得選擇,希望大家都盡力餵哺母乳比最好嘅BB。 1:完美配方,度身訂造   母乳係自己為下一代度身訂造嘅天然配方,蛋白質,脂肪,維他命等營養素嘅比例會隨著BB需要而改變,咁完美嘅配方係邊度搵?   2:成就益生菌保護力   餵母乳可令BB腸道更適合益生菌繁殖,益生菌可以減低BB肚瀉及濕疹可能性,亦有助對抗病菌,無咁易病。   3:產後修身良法   生完BB想修身?餵母乳絕對可以幫到你,餵哺母乳平均每日消耗500卡路里,加上餵哺過程會促進子宮收縮,減少產後出血,效果比[按肚]更好。   4:減低產後抑鬱症可能性   BB出世後,每個媽咪都處於神經極度緊張狀態,真係好易情緒崩潰,原來親餵(埋身餵奶)可以抑制負面情緒,呢種親蜜接觸可以幫媽咪穩定情緒,度過產後抑鬱症高峰期。 5:BB保藥   就算做足清潔工作,BB都難免會中招傷風感冒,母乳裡面包含抗體及抗炎物質,所以母乳BB一般更強壯,即使生病症狀亦較輕, 較快康復。   6:BB心靈雞湯   親餵唔止對媽咪抗壓有幫助,原來對BB一樣;親餵過程BB會得到強烈安全感同媽咪嘅愛,有助BB正面心理發展。   7:母乳外用   母乳唔止用嚟飲,重可以外用,例如浸浴,製造母乳皂(含油脂,有潤膚功效);原來塗傷口都掂,因為有活性抗體,所以用嚟塗傷口可以加快癒合(有血傷口不宜),BB抓損臉就啱用????   8:BB加固後抗體來源   BB出世首6個月一直依賴於母體時嘅儲備,由第六個起到兩三歲,BB將會處於抵抗力不足時期,如果有持續餵哺母乳的話就可以為孩子提供最豐富又最天然的抗體。     諾媽亦係母乳媽媽,經歷過無數次追奶,塞奶等等,至今依然持續餵哺,歡迎大家多多交流。