副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

K1入學準備備忘錄

 

   眨下眼諾諾今年9月就K1開學啦,諾媽緊張大師上晒身,又驚諾諾到時返學爆喊,又驚佢返學會同同學仔爭執。但最緊張嘅係入學前嘅準備;所以今日分享吓有咩要準備...    *報讀分離班(如有讀N班則無需讀分離班) 比小朋友逐漸適應獨立,開學就更得心應手。   *買校服 部分學校設有試身日,集體到校購買及試穿;校服及運動服建議至少各購買兩件,方便特殊情況有得替換(倒瀉水/瀨尿)   *影學生相 幼稚園或會要求提交12張相片,待學期完結退回餘下相片,所以影學生相前應先向學校查詢需要幾多張。(諾媽印咗24張,要比四大長老留念)   *多鼓勵小朋友同其他人交談 鼓勵小朋友主動同人打招呼,有時候亦請小朋友代為問問題,都可以訓練膽量,入學後更容易識到朋友仔,享受學園生活。   *嘗試戒尿片 兩歲後,家長可以嘗試為小朋友戒尿片;諾媽係用學習褲嘅,每1小時就問吓諾諾要唔要小便?痾到就讚,痾唔到就叫佢下次再留心d感受下急尿嘅感覺。(如果真係戒唔到都唔洗太擔心嘅,開學後幼稚園都會給予協助)   *學習自理 比小朋友參與執出街袋過程:水壺、毛巾、零食盒、消毒泡泡、蚊怕水。 教小朋友自己著鞋除鞋,穿衣服同外套   *買返學鞋 聽講8月份周圍都會有開學前特價!所以有家長教路鞋留返8月大特價先買 -------------------------------- Facebook:諾諾遊記 https://www.facebook.com/Noahgogogo/ IG: https://www.instagram.com/noahandmommy_/ YouTube: Noah gogogo 諾諾遊記