副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【懷孕期尾升】我Ready嗎?

 

   快要黎到懷孕期9個月,肚子大到不得不慢慢行,而且好快就感疲倦,照顧Timtam仔開始有困難,偏偏這個時候茶煲Two的碼戲每日上演,有時都會令我好頭痛,每晚頂住肚子輾轉反側的時候,就會想,其實是否一個小孩就夠?全心全意照顧一個小孩是否更好?會否因爲第二個的出現,反而令第一個孩子有所缺失? 有晚我們與親戚朋友到酒樓食晚飯,我留意到隔離枱有家人,一對中年父母加一個兒子,仔仔應該都18、22了!一餐飯他們一家三個人都沒有說過話,我想起了自己!如果我沒有懷第二胎,20年後他們會否就是我們一家的寫照?如果加上一個妹妹在旁,可能他們也是邊食飯邊睇手機,不過或許會講下大家ig睇到咩好笑野,講下最近食左咩餐廳好食,父母聽到又可以搭下嘴,大家傾下又笑下,會否比一個孩子更好? 我明白這是自尋煩惱,好快就要迎接妹妹的來臨,我應該想想還有什麼未準備好! 回想這個孕期過得特別快,也慶幸妹妹錫住我,沒有令我有太多不適,可惜的是很多帶Timtam仔去玩的機會都錯過左!有時會唸是否讓Timtam仔上了幼稚園才懷第二胎會更好呢?不過懷孕這回事,一直都覺得是可遇不可求,既來之則安之吧! 覺得可幸的是,Timtam仔一直都好錫呢個妹妹,當明白有妹妹係我肚裡面之後,一直都沒有再要我抱佢,那時佢才只有2歲多,前幾日我說抱抱他去搭車,佢指住我個肚話「妹妹!唔抱抱!」真係感動到我架! 朋友問我準備好未?硬件配套要準備很容易,心理準備就…睇完上面的文字,我的心理狀況好像仍未十分ready! 不過,就正如黃詠詩係佢的《胎。story》舞台劇所講: 「要ready好呢個世界冇野係ready! 」 做左人阿媽就會明白呢句真係至理名言! 第一次生小孩什麼都戰戰兢兢,到第二次,雖然有了經驗,但要同時照顧兩個小孩又是另一個挑戰!我現在的心態是心口掛個勇字就衝吧!那個父母沒有如此衝鋒過?! 我當然希望Timtam仔做到大哥哥,但我不能要求他太多,始終他仍只個初熟BB !我只希望他可以參與其中,無論他將來記不記得,與媽媽一起照顧妹妹的這些屬於我兩的片段,我相信將來老了,足夠我慢慢細味! ======================================    Facebook: Timtam仔的成長日誌  合作聯繫:Timtamfamily@gmail.com 駐站Blogger :  #Esdlife 靚太club #媽咪幫 Yahoo親子 #BK Milk #PressLogic 親子日常# ubaby Magazine #Beauty Exchange #ublog #hk01 =====================================