副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【DR Max點讀筆】聰明媽媽因材施教 給孩子一個愉快童年

潘女士帶住仔仔柏泯嚟到,小編第一個印象係:「呢個小朋友好精靈活潑!」黑黑實實嘅小伙子,揹住一個大袋,表現得好強壯。一問之下,原來小四嘅柏泯熱愛足球,會花唔少時間去訓練同比賽。

潘女士帶住仔仔柏泯嚟到,小編第一個印象係:「呢個小朋友好精靈活潑!」黑黑實實嘅小伙子,揹住一個大袋,表現得好強壯。一問之下,原來小四嘅柏泯熱愛足球,會花唔少時間去訓練同比賽。 因應囝囝性格找適合教材 「柏泯佢非常非常鍾意玩,參加好多活動,我會諗下點樣令佢有足夠時間玩。」潘女士笑得燦爛,當下感覺呢位媽媽有啲唔同,因為好多時見啲媽媽好緊張小朋友嘅讀書成績,不過潘女士就有另一番想法。「其實我真係唔贊成死背,死背無意思,唔係真係學識。仲要睇下小朋友性格,搵下有咩方法去令小朋友開開心心咁學習。好似柏泯佢鍾意玩,亦有好勝一面,所以就要以遊戲方式同佢溫習,等佢覺得好玩。亦要佢知有效率咁溫習,先會有多啲時間玩,呢個就係佢得到嘅獎勵。」 花更少時間但進步神速? 潘女士真係好有諗法,咁潘女士點睇DR-Max英語教材Electronic English?「我係喺學校認識DR-Max英語教材,喺評估之後,發現同我嘅理念一致,因為啲教材都係想令小朋友開開心心咁學英文。」柏泯小二開始用DR-Max英語教材,潘女士好聰明咁做咗一啲小調節,令柏泯可以用少咗時間去做教材,但成績進步咗好多。究竟係咩巧妙小魔法咁神奇?「初時佢每日做一張工作紙,未見有好大進步;後來我叫柏泯唔使寫出嚟,改為讀出答案,然後聽下點讀筆解說,答啱就OK。呢個方法慳咗好多時間,變咗一日可以做到兩張工作紙,仲多咗時間俾佢玩,佢仲好樂意去做工作紙。」由寫變讀之後,柏泯嘅英文考試成績由六十至七十分,大幅進步到九十分!無論係文法、聆聽同會話,都有好大進步,尤其係英語對答方面。 上英文堂變得主動 「柏泯而家上英文堂成日舉手搶答,得到老師讚賞,正正係柏泯有好勝一面,佢鍾意人讚,而DR-Max英語教材就幫佢達到呢個效果,所以令佢好鍾意用呢份英語教材。」潘女士真係好有諗法,小編想知道潘女士對坊間嘅補習班有咩睇法。「對我嚟講,補習班太花時間啦,真係唔啱柏泯,因為佢需要多啲時間去玩。後來同其他媽媽朋友傾開,知道佢哋每月花幾千蚊補習,我覺得真係好貴!所以,我都有介紹DR-MAX英語教材俾佢哋,等佢哋考慮一下呢個既慳時間又有成本效益嘅方法。」 潘女士說話好有條理,而柏泯就好醒目,成日笑口常開,有時又會補充兩句,真係一對好合拍、關係又好好嘅母子。小編見到潘女士咁滿意柏泯嘅表現,而柏泯可以學英文學得咁開心,真係好感恩。