「我本身嘅英文都唔好，唔知點睇小朋友啲英文功課。」陳太好快就講出佢嘅情況。「原本都無諗過搵英語教材幫手，因為都驚自己唔識用，教唔到小朋友用，不過機緣巧合有次聽到DR-Max同事跟進小朋友嘅對話，聽到佢好細心咁了解小友點用啲教材，同埋評估佢哋用成點，仲會俾啲小貼士同建議。我好欣賞呢個售後服務，於是就去了解DR-Max英語教材。」 相輔相承的學習方式 陳太好溫柔咁望一望小五嘅政熺同K1嘅政謙，笑得好甜咁講：「最開心係點讀筆有中文解釋，連我都聽得明，可以同佢哋一齊學習。陪到小朋友之餘，我都有得進步，而佢哋見到媽媽都咁努力，又可以鼓勵到佢哋，大家都有動力去學習多啲。」 媽媽主動學習感染小朋友 陳太翻開手袋，拎出一張寫咗生字嘅小紙條，佢話：「DR-Max英語教材令我踏出第一步，覺得自己都可以學好英文，之後越嚟越有動力，不斷學多啲，例如我會抄低啲生字，頭先同小朋友搭車過嚟，我哋都一齊學生字。」有個咁勤力嘅媽媽，一定可以成為小朋友嘅好榜樣，唔知小朋友英文有無進步呢？ DR-MAX同事密切跟進 小五嘅政熺由四年級開始用DR-Max英語教材，由八十分升到九十幾分，陳太話，如果政熺再努力啲，成績應該可以更加好。至於K1嘅政謙，陳太話：「比哥哥用得更加好，可能因為年紀好細就已經開始用，所以易啲習慣去用教材，見佢自動自覺咁做，做學校功課都無咩難度咁。而哥哥因為小四先開始用，所以要幫佢慢慢適應，其間係需要多啲鼓勵，令佢堅持去做。我有send佢做好嘅工作紙俾DR-Max同事睇，小朋友就感覺背後有人睇住，有時仲可以得到讚賞，支持小朋友堅持學習。」 親子關係更加融洽 「我好開心有DR-Max英語教材呢個產品，除咗令我哋三個學到英文之外，我覺得更開心嘅係親子關係更加融洽，會一齊用教材，夜晚仲會一齊聽吓英文歌。而政熺佢好sweet，宜家學鋼琴學到四級，會教番我彈琴，宜家我都彈到一首歌。」 講到呢度，陳太攬一攬兩個仔仔，大仔政熺露出一個怕羞嘅表情，不過之後笑得好燦爛，而細仔政謙就一直笑到見牙唔見眼。嘩！小編真係要戴番副太陽眼鏡，三母子溫馨甜蜜到無限放閃，呢一幕真係好靚、好耀眼！