早前諾媽去咗新加坡，新加坡真係好啱親子遊嫁，所以專登做個遊記介紹，要分幾篇出（啱睇請關注我，謝謝），希望可以幫到大家plan行程，可以睇片先，再睇文字及溫馨提示。 新加坡動物園有分於一般動物園，係環境設計上利用天然屏障令動物唔需要用鐵籠困住，生態環境亦較接近大自然，堪稱為世界十大動物園之一。     輕軌火車啱晒大家大細舒舒服服去參觀；園內定時有餵食環節，家長可以留意返餵食時間帶小朋友去餵動物。     至於河川生態園，係亞洲首個以河流為主題嘅主題公園，設計模擬世界各大河流同亞馬遜河域等等，帶小朋友一邊參觀一邊講解水源嘅重要性，點解大部分動物都會圍繞住河流生活；重有兩條航線嘅大小船可以乘搭遊覽河川生態   講返交通點去先 乘MRT到Khatib卡迪站(NS14紅) A出口，會見到動物園接駁車車站 *A出口有超市，可先購買水 *接駁車每20分鐘一班，班次表有需要可pm你。 *接駁車SG$1必須以EZLink卡付款，不接受現金。 *車程15分鐘左右。 (以上只係其中一個前往方法，諾媽覺得呢個係最方便)   動物園內溫馨提示 園內設手拉車（可乘兩小童）、嬰兒車、電動車出租（諾爸唔準租手拉車，所以諾諾無得玩）   動物園內Houbii spot 繩索設施為自費項目，價錢為SG$20-25，諾諾好驚，所以無join。   動物園兒童區有得騎小馬（SG$6），一小圈，只限1.2米下小童，不準家長陪同入馬圈。   動物園內免費兒童嬉水設施超級好玩，記得帶多套衫/泳衣（唔覺眼附近有更衣室及沖身位）   河川生態園溫馨提示 入園後由左邊入口開始行更順路 Boat plaza 有身高限制，需高於1.06米，如門票已包含此設施而沒有使用，離場時可購物扣回（每張成人門票扣SG$5） Boat plaza 旁邊有動物拍照區，諾諾近距離睇動物好開心，重可以排隊影合照 ---------------------------- 諾諾遊記 https://www.facebook.com/Noahgogogo/ IG  https://www.instagram.com/noahandmommy_/ YouTube: Noah gogogo 諾諾遊記 歡迎產品試用/推廣/活動/試玩試食合作 email: Babynoah686@gmail.com