自從上次喺一田買左支一歲蜜糖， 整照燒雞肉丸子後， 我發覺用佢整檸蜜雞翼雞脾都好正。 Bella好鍾意食呢隻檸蜜雞翼， 整完檸蜜雞脾配蝴蝶粉比佢食， 第二日又換湯不換藥， 再整雞翼配飯糰， 其實配菜一樣係西蘭花同南瓜， 只係蒜蓉炒及清蒸嘅不同…… 用同一材料唔同做法， 亦係烹飪好玩之處！   本來都無諗住出食譜， 因為檸蜜雞翼實在是太易做， 都是把雞翼醃好後煮熟， 甚至可以用雞脾、雞槌都得， 不過我就無用油去煎， 一來煎的話雞翼太難熟， 二來比Bella食亦唔想煎得太耐吸油又熱氣， 我試過做兩個煮法， 第一個就係用AirFryer無油先炸雞翼， 會香口啲，(也可用焗爐做) 第二個就係先把雞翼隔水蒸， 完全無煎炸感但又唔會水汪汪， 可能細少少嘅小朋友會適合， 無論兩個煮法的最後一步， 也是回鑊撈檸蜜汁。   材料： 雞翼6-8隻 檸檬半隻 蜜糖3湯匙   醃雞翼約2～3小時： 檸檬汁1湯匙（可附檸檬肉及少許檸檬皮） 蜜糖1湯匙 蒜蓉少許 豉油1湯匙 鹽灑少許   檸蜜汁： 檸檬汁1湯匙 蜜糖2湯匙 鹽半茶匙或豉油兩茶匙 水80m *以上可作加減來試啱自己喜歡的酸甜度 *檸檬皮碎少許（可選擇不下）   Airfryer做法： 醃好雞翼後，雞翼放AF機內， 以180度炸10分鐘， 然後把雞翼反轉再炸5分鐘， 用簽或筷子刺一下雞翼， 如無血水出便可取出備用。   蒸做洗： 水滾後，將醃好的雞翼放碟上， 大火蒸10分鐘， 同樣用簽或筷子刺一下雞翼， 如無血水出便可取出備用。     回鑊撈檸蜜汁做法： 檸蜜汁攪勻並倒入鑊中加熱， 開始滾起時，收中細火， 再倒入備用的雞翼及檸檬皮碎撈勻， 直至收汁變微焦及檸蜜汁黏滿雞翼即成。     AirFryer做出的雞翼:       隔水蒸做出的雞翼:             ************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss