當我整好呢個「兒童餐」拎比佢地食時，細佬話：「嘩，好靚呀個太陽。」 但其實我想整既係太陽花。 每個人睇同一件事可能都有唔同唸法，唔同立場，如果我永遠企係自己既立場，用自己既角度，我永遠睇唔到太陽既美。 作為媽媽，我常常都提醒自己，不要以為自己一定是對，而小朋友就一定是錯，不要用大人的角度去批判小朋友，懂得尊重、聆聽，才會令小朋友信任，願意去分享自己的內心世界。 時刻反省，不只是小朋友才該做，大人也需要檢視自己做得不好的地方，讓小朋友感受到你是他的同行者，而不止是一個說教的角色。 記得有一次，我問家姐：「點解妳會揀左我做媽咪既。」 佢答：「係呀，因為我係天上面揀左妳。」 唔知點解佢會識咁樣講？！ 我再問：「點解妳唔揀其他人做媽咪既？」 家姐：「係呀，因為我好鐘意妳呀嘛，我見到好多其他媽咪，但淨係想跟住妳，有好多人都想跟住你，我地鬥快，最後我跑贏左飛左去妳到。」 佢講到呢到，我已經感動到想哭。 小朋友因為愛我地先揀我地做媽咪，佢完全信任我地，即使我地做得不夠好，佢地仍然無條件愛我地，但願我係佢地心目中除左係媽媽呢個角色，亦係佢地既知心好友，喜怒哀樂都願意與我分享。     2little.notes日常 專頁：https://www.facebook.com/2littlenotes/ Instagram: https://instagram.com/2little.notes?igshid=y2vddn71gsbm