副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

親子餐廳好地方 - 一家大細都岩食嘅石門西餐廳SU CASA

平時我好少帶孖吉出去食飯,始終佢太細個冇咁多耐性,所以想食餐好嘅真係好難嘅事

平時我好少帶孖吉出去食飯,始終佢太細個冇咁多耐性,所以想食餐好嘅真係好難嘅事   最近係沙田石門新開左一間親子友好嘅西餐廳SU CASA,好近馬鐵站,係京瑞廣場二期,即C出口直行(唔駛過馬路)安群街轉右,大約2分鐘就到,非常方便我推住嬰兒車過黎。   入面好大,坐位之間又唔迫,好適合帶小朋友黎食飯。 安排嘅卡位好闊落,我地一家三口坐得好鬆動(孖吉已除了鞋)   牆上有Menu,可以睇下今日有咩廚師推介。   另一邊就有個師傅即開生蠔。依家生蠔仲做緊買一送一優惠,我都order左各一款試下先~     小朋友都有Menu嫁,而且張menu正面同背面都可以玩,餐廳又提供蠟筆俾小朋友,真係岩晒坐唔定嘅孖吉慢慢畫呀。   睇圖已經覺得兒童餐好吸引嫁啦,出到黎真係一模一樣,孖吉見到已經忍唔住拎餐具搶住食。($68)   孖吉食飽飽啦,就到我地大人食囉。首先係做緊買一送一嘅法國生蠔。擺盤好有heart,有埋冰震住,左邊係Majestic($65);右邊係Mermaid($68) ; 建議先食淡口嘅Mermaid,然後再食比較濃味嘅Majestic。生蠔好新鮮,食2隻好似唔夠喉,好想再encore。   前菜:意大利帕馬火腿配哈密瓜($88) Parma ham係我最愛,配合埋哈密瓜真係好好味,一咸一甜好夾。   主菜:軟殼蟹天婦羅乾蕃茄意粉($128) 軟殼蟹炸得好香脆,有2大舊,孖吉見到意粉又黎搶食,可想而之幾好味,食完又食。   主菜:加拿大有機有骨豬扒($188) 我平時麻麻地食豬扒,因為我整得好嚡,但依度整得岩岩好,而且配菜份量都好多,所以我同孖吉爸都食得好飽。   甜品:燴車厘子金寶脆脆配雲呢拿雪糕($68) 依個甜品食得又玩得,連埋杯上嘅朱古力塊同下面d脆脆雪糕一齊撈埋,口感好特別,酸酸甜甜又脆脆咁,好醒神。   另外,如果叫套餐就會送一杯凍/暖菠蘿有機奇亞籽綠茶。   最後,餐廳有部小型扭蛋機,孖吉食完去扭蛋蛋,拎左隻小飛機,佢開心到回程途中都拎住。   我地食左差不多2個小時,因為有野食岩孖吉食,又有野俾佢玩,所以佢都可以乖乖坐定。而且食物質素很好,份量又多,價錢又合理,員工服務態度良好,我地一家三口都好滿意,個個都捧住個肚腩出黎。   提供埋飲品list   我見好多檯都叫龍蝦意粉,真係好吸引,價錢都好優惠~   下午茶時段同Tea Set Menu set都好抵~ Su Casa 地址:沙田石門安群街一號京瑞廣場二期地下G03號舖 電話:28825000 營業時間:星期一至日11:00 - 22:30   合作可聯絡: qqyanyan@gmail.com IG Follow: https://www.instagram.com/qq_chinchilla 我的專頁:孖吉的成長日誌 (歡迎各位Like &追蹤以及互相交流育兒心得~) 腳印:   香港媽咪幫 / Oh!爸媽 / 靚太Club Wow / Presslogic 媽咪日常 / Openrice