副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

嚇壞媽媽系列 (珍珠疣 =椰菜花?)

今次真係差d嚇到我心臟病...

今次真係差d嚇到我心臟病... 真係要分享下畀各位媽媽知道原來有啲咁嘅嘢.... (相片方面我就唔擺啦,因為有d恐怖... 如果想知嘅媽媽可以試下喺我facebook專頁搵我) ***UPDATE 好多媽媽INBOX我~因為懷疑BB都係生珍珠疣... 所以我放2張唔同時期既相出黎.. 睇標題見到椰菜花每個阿媽都應該嚇親.. 事緣係咁,hey魚一向都有濕疹.... 有時好返好多會因為天氣又突然變差... 六月底嘅時候我發現佢大髀有個位置好似好乾燥一粒粒... 我就問相熟醫生... 醫生就叫我觀察下情況查下保濕cream... 呢段日子都唔發覺有咩唔同... 都係好似一粒粒好乾燥咁... 直到七月頭,有日下午我同佢沖完涼... 幫佢搽嘢嘅時候竟然大脾有一堆好似迷你珍珠咁既野... 我其實有密集恐懼症,但個下都唔驚得咁多即刻影低畀醫生睇... 第一個醫生同我講係濕疣, 我就即刻上網search咩叫濕疣... 點知第一個search到就係椰菜花三個字... 詳文我已經驚到無睇... 完全唔冷靜咁狂打電話比魚爸... 一聽電話我係咁喊... 我話HPV呀...椰菜花呀.... 點算呀?死啦.... :( 詳細我講左d咩我唔記得... 我個下剩係崩潰同埋狂喊... 心跳快到自己都聽到... 到冷靜左同魚爸講完... 就搵另一個中環既兒科醫生問下.. 醫生一睇相就同我講係珍珠疣,屬於病毒感染而唔係HPV ( 但我見到病毒感染四個字又係癲咗==) 醫生話其實幼兒好普遍,無咩特別野可以做... 唔好比佢R就ok... 我又上網search下咩黎... (比椰菜花三個字嚇完差啲命都冇...) 最後得出既結論係 : 小朋友(尤其是患有濕疹的)都會有機會感染到珍珠疣病毒, 這絶對不是性病 .. 珍珠疣是一種對小朋友整体健康不會有任何影響的病毒感染, 一般1-1.5年會自行痊癒... 治療方面有以下幾種: 1. 外塗性壬二酸(杜鵑花酸) 2. 冷凍治療 3. 刮除術+塗碘水 4. 二氧化碳激光治療等  過左2日我都帶佢再睇兒科... 發覺原來兩邊腳濕疹位置都有小小,醫生開左1%類固醇... 見到佢有紅有痕就幫佢搽,其餘時間都係查翻保濕潤膚膏... 醫生建議觀察住個病情,仲話小朋友一般唔建議電走,大部份會自然好,但可能要幾個月或更長既時間.... 但最重要係唔會影響佢身體,純粹個個皮膚問題. 最後我發覺原來每當沖完涼,尤其是熱水 嗰啲粒粒會特別明顯.. 之後隔咗一陣又會平返... 嚇到我癲咗應該就係啱啱沖完涼見到嗰一下.... 我回想返究竟點解會咁.... 應該係佢濕疹損左而感染... 所以濕疹B要留意啦...   同埋如果真係見到咁樣唔好好似我咁嚇到命都冇 PS,,, 有媽媽問我係咪平時清潔不足.... "唔係"...我消毒既程度係好誇張... 醫生話係避唔到..同埋因為濕疹皮膚薄弱...好易就中...   聯絡我或產品試用:RUBY.1125@HOTMAIL.COM Ohpama http://www.ohpama.com/specialists/heyfish/ Facebook(hey魚b之日常) https://www.facebook.com/haileybabywhy/ 媽咪幫mamibuy https://mamibuy.com.hk/home/11104 Mamidaily親子日常 https://mamidaily.com/author/rubylau?type=bloggers