副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【生於亂世 ♥ 有種責任】

對不起二寶  讓你們生於亂世....

米高媽媽係一個80後  土生土長嘅香港人 一直以來  香港社會天下太平 漸漸養成對政治冷感的壞習慣 傻傻的相信50年不變  直到一條【逃犯條例】弄得滿城風雨 社會撕裂 市民並唔係擔心自己犯罪而被引渡回內地公審 而係擔心一國不再兩制 言論自由被受監控..... 小朋友年輕人係社會未來既主人翁  為人父母最緊張的  非兒女既將來莫屬 擔心佢地長大成人後  在一國一制下能否適應  相信有好多家長都考慮緊 為咗小朋友未來而移民 身爲一個香港市民也應該夢醒了 爲了下一代站出來   爭取應有的法治 令小朋友仍可以呼吸自由嘅空氣 對不起二寶  讓你們生於亂世.... 609仲發緊夢 未有參與一百萬人遊行 612 帶包包參與【一個人到政總野餐】和平抗議 邊個會估到 警察會對手無寸鐵嘅學生們投放百幾枚催淚彈 兩面突襲 幸好沿途有社工朋友建議帶小朋友提早離開 才不會令一個四歲嘅小朋友就要硬碰催淚彈 小朋友視覺: (包包對野餐一詞表示很危險) 因為包包親眼目睹警察為驅散和平示威者  於冇勸喻嘅情況下 突然施放催淚彈 警察叔叔  你眼中的知識分子真的有這麼大殺傷力嗎? 幸好沿途有社工朋友建議 先帶小朋友提早離開 才不會令一個四歲嘅小朋友就要硬食催淚彈 防暴警察最後真係發放多枚催淚彈    嚇到和平示威人士雞飛狗走     但因在場人仕眾多 最後仍要帶包包逃亡般 跑到中環地鐵站  這次是令包包親力其境的第一場革命 真的嚇親寶寶了 返到屋企 乖乖坐下  以畫畫來表達內心世界 包包多次表示警察叔叔真係好惡..... 616 最難忘的父親節 今日相信好多家庭都取消咗所準備嘅父親節慶祝活動 改為為民發聲 因為市民對612定性為暴動以及警察既所作所為 表達強烈不滿 大批市民穿著黑衣 於希慎廣場集合準備加入遊行隊伍 而市民嘅訴求非常清晰  沿途大喊口號 沒有暴動 只有暴政 但由於人潮太多 加上天氣酷熱 為怕小朋友中暑 需躲到樓上餐廳稍作休息 從高空拍攝所見  這就是引以為榮的香港人 遊行已經辛苦 更何況要帶住小朋友  但沿途真係見到好多一家大細同行   人多擠迫 加上要推住BB車  幸得途人體諒  更送上退熱貼  用小風扇為小朋友吹吹風 互相鼓勵打氣 充滿滿滿的愛 於是走出了200萬+1人的歷史性遊行創舉 而那一人更是被暴政所迫 以死明志的年輕人 (RIP) 7-1 回歸22週年大遊行 今次市民們的五大訴求更加清晰 二寶辛苦了 週日不是應該去遊山玩水、吃喝玩樂嗎 (包包表示:又要遊行)   係呀! 因為政府又再無視市民訴求 令您們再一次陪香港人踏上這無盡旅途 當日晚上更有年輕人以政治目的為由衝擊立法會 表示對政府以及暴政既不滿 首次見到警方嘅空城計 令市民再一次不信任警方 當晚更出現了一幕"要走一齊走"嘅感人場面  最可愛的年輕人哦 如果唔係和平抗爭冇用 政府無動於衷 又點會迫到一班有學識嘅年輕人 賠上自己嘅前途 同政府硬碰 佢哋都係為咗香港人而發聲 結果是次衝擊令惡法唔能夠順利通過二讀 707 九龍區反送中大遊行 呢個星期 社會變得灰濛濛一片 因為前後有數名年輕人以死相諫 就係為左表示對政府嘅無力感 作為父母非常痛心 呢個政治包袱唔係應該由佢哋黎承擔 幸得一眾議員  藝人 奮力挽救一個又一個為政治而輕生嘅年輕人寶貴生命 而政府更可以隻字不提 置身事外 市民唯有用連儂牆 於簡單嘅memo紙 寫上打氣句子 於各個社區和平發聲 遍地開花 奈何竟有市民不滿連儂牆  公然打守護連儂牆既年輕人13拳 這種暴徒理應強烈譴責吧 年輕人捱苦了  黃絲藍絲所導致的社會撕裂何等可悲 721 大遊行 政治令市民學生記者社工媽媽們與警方政府對立 出現嚴重社會撕裂 政府更無視絕食抗爭既革命者 令市民再一次站出來發聲   盼能獨立調查  捍衛法治  守護真相 不過又再一次見到警方嘅空城計 整個遊行活動都冇見到有警察嘅蹤影 暴風雨前夕總是平靜的….... 多次革命運動   包包同細佬B都學識高呼"香港人加油!" 活動結束時途經港鐵站 看到自動售票機上放滿對勇者們嘅募捐及代佢哋買嘅車票 深深感受到香港人嘅互愛精神 晚上示威者們衝擊中聯辦及上環 令抗爭更加激烈  防暴警察又再一對示威者們開熗了...... 但最想不到的是當晚發生了令全港市民痛心疾首的【元朗暴力恐襲】 於網上睇住一段又一段真實嘅片段 心情非常激動  真的哭了  人民特首  這個晚上你睡得好嗎? 而市民不知道的是警局原來會閂門   打999會被斷線 警察都保護唔到市民   作為香港人有多麼的痛心 到左7月22日 元朗屯門等地猶如死城 全港市民面臨恐慌·謠言滿天飛 商舖提早閂門   就連市民著咩色衫出街都驚恐被襲 呢個係幾可悲嘅局面 香港政府 特首你有睇到廣大市民既無助感嗎? 身為家長既我地又可以點樣守護我地既香港呢? 革命尚未成功  香港人仍需努力! 米高媽媽有日發夢 設計左一系列"連儂匙扣" 現於 Smiley Workshop 有售  希望可以為香港人打打氣 在此向所有支持是此運動所付出既人致敬! PROUD TO BE A HONGKONGER