某個星期六，我同老公帶左軒軒去playhouse玩，諗住係足月前帶軒軒去玩多次，跟住就要等我坐完月先得嚕     係出完街玩完番到屋企後，發覺佢係咁r隻腳，然後就見到有兩三撻好似 蚊爛 咁嘅野，我地以為係出完街夏天俾蚊咬到咁，所以都係同佢搽下cream等佢無咁痕。     到夜晚訓攪佢係咁 捽眼，又用手又用枕頭捽，不過佢平時眼訓都會係咁，所以我地都不以為然，直到佢訓著左，我見到佢雙眼 眼皮上下都有小小紅腫左     到第二日訓醒，不得了，雙眼紅腫到............超心痛  除左眼之外，腳同patpat都有，個刻以為佢係敏感，但星期日，平時睇開個醫生都關門了，唯有觀察住佢，佢痕嘅時候幫佢搽下cream，到下午又好似隻眼退左啲，但手又開始有     到星期一朝早訓醒，雙眼紅腫已經退哂，但臉，手，腳，patpat 都仲有，所以起身後馬上整野帶軒軒去睇開個醫生度睇下係咩黎。 經 醫生睇完後， 醫生話軒軒呢啲係蕁麻疹， 係急性發出嚟， 都係一種過敏， 食物或者環境都有機會係致敏原， 所以要搵 致敏原 就比較難 但如果冇嘗試過新食物， 咁都可以排除咗唔係食物過敏。     醫生話軒軒屬於中等程度， 嚴重嘅話可以呼吸困難， 到時就要馬上去醫院 同埋有機會會發燒（ 幸好軒軒冇發燒， 同埋佢都唔算太扭計） 而且醫生話就算搽類固醇藥膏都幫助不大， 要靠食抗敏藥。 醫生開咗兩種抗敏藥水畀軒軒， 同埋一樽仔冇藥性嘅藥膏for佢止痕。     呢個位係最嚴重     食左兩日藥見好似退得7788，就停左藥，點知過一日又起番，再食多三日藥，依家已經無事嚕希望唔會再發生呢啲事係軒軒身上啦               產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily