副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

早產家姐與足月妹妹照顧大不同

喺我凑妹妹嘅呢三個月,我發現同凑家姐嗰陣好唔同,唔係比較佢地兩個,係我覺得足月同唔足月係有分別。

喺我凑妹妹嘅呢三個月,我發現同凑家姐嗰陣好唔同,唔係比較佢地兩個,係我覺得足月同唔足月係有分別。 我再仔細計返,雖然家姐出世size等如37週,醫生一直灌輸我佢係37w0d 但以maturity 黎睇,佢只係35週4天,其實家姐係個早產bb。不過係唔係早產,都過咗去,冬甩一直都算健康。而妹妹係38週6天出世,係個重磅bb。 咁分別喺邊呢? 一、食奶 家姐食兩啖就冇力要瞓,埋身食唔到奶,生長線跌到冇譜,結果要全泵。妹妹出世喺醫院啜曬兩邊食足30分鏡,返到屋企開始一邊食十分鐘就飽。 二、感官 妹妹兩個幾月就識同人互動,會主動同床邊玩具呀呀互動,家姐都遲一兩個月先有呢啲反應。 三、轉身 妹妹兩個幾月就開始側睡同嘗試轉身令我好驚訝,家姐要到四個月先開始想轉身。 四、睡眠 妹妹係比較有安全感,作息比較定時有規律,好快就戒夜奶,家姐一歲先戒到夜奶。不過戒夜奶真係唔知關唔關早唔早產事。 五、腸道發展 妹妹兩個幾月開始冇再餐餐屎,早午晚各一大篤,尿布疹已經好得8899。家姐四個幾月仲痾好密,半夜都會爆片,仲有好嚴重嘅尿布疹,媽媽不停四處搜羅好用嘅藥膏。 所以我好感恩,喺要一打二之際,我有一個好好凑嘅細女! 祝願每個bb都住足37週,最好39週後先出黎! 同埋切記每個bb都有自己專屬嘅成長步伐,係早係遲都唔重要。 Mama love you both!     冬甩冬薑媽媽全職照顧一家七口兩大兩小三隻貓,每日以女兒「食曬碗飯」為目標,不停鑽研新菜式,由昔日的「無飯」太太搖身一變成為煮到幾味嘅合格廚娘!  想知更多冬甩冬薑的日常趣事,歡迎 follow 【小貓奴冬甩冬薑】 Facebook 和 Instagram 喔! www.facebook.com/gingerdonut |www.instagram.com/gingerdonuthk