副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【TOYSTORY4慈善TreasureHunt@海港城】

萬眾期待嘅Toy Story4終於上映    唔知大家睇咗未呢?!

萬眾期待嘅Toy Story4終於上映    唔知大家睇咗未呢?! 今次故事除左大玩Upcycle小刀小叉 更寓意家長待小朋友長大後  需學識放手 較早前同包包去咗戲院睇 佢坐定定咁睇晒成套戲   仲睇到喊曬 之後更愛上入面既主角胡迪同巴斯 得知海港城聯同救世軍舉辦了一個慈善商場活動 只需俾一百蚊 就可以獲得通行證及代幣 咁就可以嘆住冷氣玩住過Summer啦 攤位遊戲非常啱小朋友玩   分別有掟豆袋 鎚仔擲小叉  *哩個超難玩  需要大人幫手 仲有巨型夾三眼仔機  同薯蛋頭先生太太拼圖 贏咗相關遊戲仲可以獲得八達通套小禮品 及多達12款反斗奇兵角色貼紙 場外仲有多個靚靚figure 畀小朋友大影特影 如果想同受歡迎既角色影相  敬請耐心等候 取得通行證後可前往相關地點玩小遊戲或吸印仔 首先我哋去咗反斗教室換貼紙 然後可用場內MARKER  畀小朋友畫番佢地最鍾意嘅角色 逢星期日更有動手做小叉DIY工作坊 費用全免 玩完前部分室內CHECK POINT   就可以去海港城海運露天廣場公園  探訪6米高既「巴斯光年摩天輪」 千祈唔好錯過勁爆公爵「Duke Caboom: Kart Race」賽車場  小朋友仲可以對住維港海境飄移 一次可以玩5分鐘   不過烈日當空   記住同小朋友搽防曬同補充水分 包包同細佬B玩到唔捨得走 另一打咭熱點「仲夏露營車」 好好好靚呀  如果可以坐住佢去CAMPING HOLIDAY就好喇 另一小遊戲 小朋友可與寶貝一起在「Bo Beep: I’m in Charge」遊戲中 拯救三眼仔回到星球 大家記住同Rex & 火腿配埋藍藍天空影張大合照 同你地分享一個比較難搵既Check Point (11,12) 見到賣炸魚皮哩間concept store 旁邊有一條扶手電梯直上   就會搵到哩兩個位置 *如對Check Point位置不確認  可以向商場及活動職員查詢   佢地會非常耐心解答 最後吸曬所有check point印仔 就可以去到藝術世界展覽換 Toystory4 Puzzle 對小朋友黎講係一個好好玩又有意義既放電節目 藝術世界展覽仲有彼思動畫工作室嘅一啲幕後創作歷程同粉絲們分享 如果各位係ToyStory迷 就要留意 期間限定店會出售超過550款《反斗奇兵4》的主題商品 當中174款商品更係海港城獨家發售 同場仲有一個:分享玩具延續故事活動  相當有意義 小朋友可以帶同被遺忘既玩具 延續玩具既生命 而收集所得既玩具就會交俾救世軍轉贈新既小主人 活動詳程    Our Toy Stories通行證* 《反斗奇兵4》拼圖 日期 2019年6月29日至8月4日 2019年7月12日至8月4日 時間 上午11時至晚上8時 上午11時至晚上10時 地點 1)      海港城.美術館 (海洋中心二階207舖)   2)      海港城海運大廈地下中庭 海港城.美術館 (海洋中心二階207舖) Like一Like 包包陪細佬b看世界 facebook專頁   可了解更多包包同細佬B既二寶攪笑日常及親子分享