副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

懷孕初期&9 weeks流啡的經歷

Hello 各位準媽媽妳地好呀! 我係Matt豬媽媽,多多指教 BB預產期12月12 。

Hello 各位準媽媽妳地好呀! 我係Matt豬媽媽,多多指教 BB預產期12月12 。 由懷孕開始一直都好想分享一下我既經歷,因為第一胎乜都唔識,乜都會擔心一餐,都係會不停上網search 資料,睇其他媽媽既文章,從中會安心好多!希望我既經驗都可以幫到準媽媽們 係4月3日 本身M come前一日有小啡,一心諗住平時都係咁隔幾個中或隔一日就會見鮮紅色M come, 所以無理到啦(加上當時都無任何懷孕徵兆),等到隔左3日即4月6號都未見有M come 就覺得奇怪啦,而屋企又有驗孕棒,係無諗過中獎之下驗完就出現兩條線而且都好明顯的! 驗完當下心情係好驚喜又好擔心! 因為幾日都有流啡,但顏色係好淺的,又唔係次次抺尿都有,又無肚痛過。雖然係咁,但都一樣好緊張, 所以即刻打電話約睇開既婦科醫生檢查,等待既過程中真係好多唔好既野會係腦裡面彈出黎到見醫生佢就幫我照陰照,但因當時週數太細應該係2-3weeks左右, 照完乜都睇唔到(後尾上網睇好多媽媽都係等到6-7weeks先去照或者更遲),個刻心情難以形容,係到諗究竟BB既情況係點 因為有流啡既關係,但醫生話太細照唔到都正常的,而流啡都有好多原因,可能係著床出血,作小產等等,唔會知道真正原因,總知有肚痛或出血就要睇醫生或去醫院!都無開過安胎藥比我(有其他醫生會開的)。 後尾醫生就叫我抽血驗清楚係咪真懷孕先,驚係宮外孕/假懷孕等等,好彩即日打返比我確實係有懷孕的,隔兩星期4月19再返去覆診,今次終於見到閃閃喇&有心跳的胎囊喇Yeah!!真係好開心!! 確竇有BB既存在, 心情即刻安心左,起碼唔係之前所諗既衰野!,太好了! 與Matt豬的第一次見面,奇妙的感覺! 驗完之後就諗住等一個月後再產檢,點知......到5月9下午又發現流啡,都係抺尿個陣紙巾上就有,一d黏黏地既分泌物帶淺啡色,嚇到我又成晚訓得唔好,第二日5月10 又再去檢查,當時9weeks 照左超星波bb正常有心跳先安心!問醫生點解又流啡都係唔知原因,都係話作小產,無其他野可以做, 但呢次開左安胎藥比我食,食左4-5日左右無啡我就停了。   總括想話比有經歷到流啡既媽媽,唔洗太擔心,唔好諗到會小產咁大件事,因為頭三個月好多原因都會流啡,只要好好放鬆心情休息多d唔好操勞,每日同bb一齊加油打氣!就一定會過渡 穩定無事的! 而家我已經22w 2day喇,踏入穩定期BB健康成長! 祝各位準媽媽懷孕期愉快,生產順利丫! 期待下一次同大家分享   歡迎產品試用作:email: chuimei_chung@yahoo.com.hk Instagram: maymayc0807