副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【包媽孕記】QE順產走佬袋懶人包(實戰後清單)

 

  臨近預產期,朋友成日問:「執好走佬袋未呀?」生仔啫做咩要走佬?? 其實因為BB絕大多數都唔係喺預產期出世,早一兩日一兩星期甚至一兩個月又有,逾期居留一星期至十日都有,又唔知係穿水見紅定陣痛先,有朋友穿水後3個鐘剛到醫院無耐就就生咗,真係好刺激架﹗執定晒入院用品到時拎起個袋就走,兵慌馬亂之際唔怕拎漏嘢。   【包媽孕記】QE順產27小時全記錄(上)[極長文慎入] 【包媽孕記】QE順產27小時全記錄(中)[極長文慎入] 【包媽孕記】QE 順產27小時全紀錄(下)[產後房&A11私家房]   喺唔同醫院生BB要拎嘅嘢都有分別,私家醫院有入院禮物包,基本上拎個人用品就可以,公立醫院就唔使拎睡衣要統一著粉紅色病人服。醫院有提供清單,陪月又有俾張我。 更多分享 請follow FB Page雲妮手札 https://www.facebook.com/winnie810corner/ 經過實戰後,以下呢個LIST係我喺QE順產有用到嘅物資,以唔同用途分成3袋,整理出嚟俾大家參考:   第一袋:隨身 1.     身份証+伴侶身份証副本 (老公有陪同入院有正本都ok) 2.     產科紀錄卡 (24周後產檢時俾,一定要拎埋去B4入院) 3.     少量現金+八達通 (有需要時可以去買嘢食) 4.     手機+外置充電+充電線 (公院唔俾插電制充電架﹗) 5.     潤唇膏 (喺產房嗌到聲勢力遏無水飲,朋友真係乾到爆擦,可以叫老公幫手搽) 6.     梳(生完姑娘會幫手影全家福,為免太似癲婆拎定到時叫老公整理下) 更多分享 請follow FB Page雲妮手札 https://www.facebook.com/winnie810corner/   第二袋:醫院用物資     【包媽孕記】大愛仙氣孕照(同場加映閨密照靚相) 媽媽用: -       生理沖洗瓶(生完每次去洗手間沖傷口) -       網褲1包(入院後產前產後都要用嚟貼孕婦衛生巾) -       乳墊3對(未完全上奶最終無用到) -       貼裝孕婦衛生巾1包(公院LIST寫要扣裝,問過姑娘貼裝都無問題) -       即棄床墊1包(產前每次Check完度數又羊水又血都要換) -       盒裝紙巾1盒 -       束腹帶1條(生完係完全無心情用,可以唔拎) -       乳頭羊脂膏1支(諗住餵人奶嘅媽媽最好帶,最初好易俾BB咬損) -       個人護理用品(面霜、梳、牙膏牙刷、眼鏡、手霜、沐浴露等)潔膚及護膚用品 -       有帽外套一件(坐月唔好入風,拎定無壞) -       拖鞋(公院要自攜架) -       外置充電(拎多2個或每日叫家人一換一,以免無電失聯) -       口罩(自己入院出院,同埋家人探病唔記得拎都有得用) -       炒米茶3包 -       小盆&薑粉1包(裝水洗手,產後房水喉出偏熱溫水,唔講究可以唔帶) -       杏仁粉/黑芝麻粉/梳打餅(肚餓時食,生完不停餵奶湊B堅餓﹗) -       保溫壺(焗炒米茶,醫院每個床位有一壺熱水)   更多分享 請follow FB Page雲妮手札 https://www.facebook.com/winnie810corner/   【包媽孕記】Baby Shower公布性別 落手落腳籌備BB首個派對 BB用: -       初生尿片1包(最後一次私家產檢睇bb大約幾重,選擇買0碼或NB,初生約一日10片,細包三十片左右正常順產夠用到出院) -       BB濕紙巾家庭裝1包(胎便好似立青咁超難清潔,拎家庭裝方便D) -       PAT PAT膏1支(每次換完片搽) -       紗巾3條   【包媽孕記】Ep.110 --- 伊利沙白醫院QE L block登記方法及第一次產檢流程分享 【包媽孕記】孕期最後一個關卡: QE做B鏈檢驗   第三袋:出院袋 (入院唔使拎,出院前一日家人先拎到醫院) -       BB出院衫(綁帶和尚袍、面衫、包被、手套、襪、帽) -       媽咪出院衫(內衣褲、上衣、LEGGING、襪、鞋、帽、頸巾)   如果有任何問題,隨時到fb page 雲妮手札 留言啦 =) ************************************************ 包媽雲妮有多重身份:新手孕媽,娛樂小編,主播,活動主持…… BabyKingdom駐場Blogger 邀稿│出席/主持活動│試用│試玩 歡迎inbox FB PAGE雲妮手札 聯絡 更多分享 請follow Instagram : Winnie810hung FB Page: 雲妮手札 https://www.facebook.com/winnie810corner/