副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

親子烹飪:芝士菠菜豬肉意式雲吞配南瓜汁

印象中Bella歲半時,

印象中Bella歲半時, 有整過熊仔造型意式雲吞比佢食, 之後一直都好想做, 但諗起搓皮總得費些工夫時間時, 又會卻步, 不過今次我就趁暑假, 同Bella喺屋企黎個親子烹飪DIY, 比佢一齊參與分工合作, 然後享用成品,我同佢都不亦樂乎……   今次我仲去淘左個意大利雲吞模回來, 呢個模好用,慳左好多時間, 才幾十蚊貨仔,質量ok~   雲吞餡料用上芝士、菠菜、免治豬肉, 再配個清清哋嘅蘑菇粒南瓜汁…… 自己新鮮做,餡料豐富,又唔會太重調味。   《親子烹飪:芝士菠菜豬肉意式雲吞配南瓜汁》       材料(約20個雲吞份量): 麵粉100克 雞蛋1隻   菠菜40克 免治豬肉200克 淡味車打芝士粒20g 南瓜200克 蘑菇2個切粒 蒜蓉少許           預備: 1. 醃免治豬肉,用一茶匙粟粉及半茶匙鹽拌勻,待半小時。     2. 菠菜洗淨,印乾後切碎,與豬肉拌勻。        雲吞皮做法:  1. 把雞蛋打在麵粉中央, 然後再用义一直拌勻搓成粉糰, 若太黏可朴少少粉再搓。               2. 然後取粉糰1/4,用麵粉碌碌成長方狀, 約1.5mm薄,做成一塊。(每次需要用2塊)         包雲吞: 1. 準備好模具,把雲吞皮鋪上去,輕輕按壓貼緊模具。               2. 把豬肉餡料填入每個雲吞心,同時再加1~2粒芝士。     3. 如果想牢固一點, 可以於每個雲吞的邊界位塗一點水份, 之後於上面鋪上另一塊雲吞皮。   4. 用麵粉碌在上面上下推碌使兩塊雲吞皮黏合。   5. 再撕走周邊多餘的皮。   6. 拎起第一層模具,便可輕易逐個取出雲吞。   煮雲吞: 水滾後,放入雲吞煮約8~10分鐘, 確定粉皮軟度剛好便可瀝水盛出備用。     南瓜汁: 先蒸軟南瓜,再加入少許開水,blend成南瓜汁。       平底鑊中加少許油,油滾後放入蒜蓉爆香, 再加入蘑菇粒炒軟。     然後再倒入南瓜汁拌勻,加鹽調味即成。     將南瓜汁與意式雲吞混合便可。 下次Bella媽再做寶寶消暑飯食, 有興趣記得留意我哋Facebook更新。       ************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss