副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

威院產後病房 & 6L兒科病房

上篇講到我係生細佬入院個時先知自己中左b鏈,亦因為細佬出黎太快打唔切支抗生素去保護佢,所以細佬出世後過左12小時就要去抽血睇下指數高唔高;而我就要係產房觀察24小時先有得番上產後病房(因為我心臟問題)

上篇講到我係生細佬入院個時先知自己中左b鏈,亦因為細佬出黎太快打唔切支抗生素去保護佢,所以細佬出世後過左12小時就要去抽血睇下指數高唔高;而我就要係產房觀察24小時先有得番上產後病房(因為我心臟問題)     到第二朝,產後房姑娘打電話落黎產房話我知會幫細佬打卡介苗同抽血(驗b鏈個個指數),到中午12點幾再收到產後房姑娘通知個抽血報告,細佬個指數比正常高,所以要送去6L兒科觀察本身我仲諗住晏小小有得番上產後房就可以同佢24小時一齊架嘛 一點幾左右,姑娘帶左細佬落黎產房俾我見一見就帶佢去6L。     下午三點左右,我都有姑娘黎接我上產後病房了,上到8E產後病房, 有姐姐去產前病房幫我拎返啲行李, 然後又有其他姐姐幫我量血壓, 跟住會幫手扶 我落床 行兩行, 然後再畀便盆我入洗手間量有幾多小便, 跟住就開始自己係病房休息 或者手擠奶。     第二日醫生巡房, 原來我已經可以出院, 不過因為我想等埋第日細佬睇下有無得一齊出院先, 我如實同醫生講, 佢都明白所以都可以畀我留多日。姑娘仲會有個產後講座叫人去聽。 可惜第二日細佬都係未出得院, 我就自己等夜晚老公過嚟 一齊去 兒科探埋細佬 大概九點就出院。     呢幾日嘅醫院餐 有雞翼食         至於細佬因為出世後第二日個抽血指數高左唔合格,所以係中午時被送去6L兒科病房。要留意番, 兒科個度同產後房 不是同一座大樓!個邊嘅6樓全層都係兒科黎,bb嘅深切治療部,兩個加護病房,而6L就係最唔嚴重個病房,普遍入面啲bb都係同細佬一樣打抗生素幾日 或者 黃疸照燈。 注意: 兒科病房 只准bb父母入去 探! 其他人或者任何親戚一律都唔入得! 父母每次都要記得帶備身份證同口罩! 6L探病時間有兩段: 早上11-1, 晚上6-9, 爸爸們只可以喺呢兩段探病時間入去, 至於媽媽如果係埋身餵奶, 可以每四個鐘一次餵奶時間入去, 但記得要同兒科病房啲姐姐講定先, 如果唔係佢哋就會幫你餵咗奶㗎喇。     我係上番產後病房之後夜晚個輪食完飯就同老公一齊過去探,媽媽們一日仲住係病房度,都唔可以自己離開自己去探,一定要有老公陪同或者老公唔黎,要同姑娘講幾點想過去,然後姑娘會安排姐姐黎陪同過去。同樣係個邊番病房都要搵個邊職員係走嘅時候call姐姐黎接番,我自己除左兩段探病時間外,都有係中午餵奶時間過去。     兒科醫生每日只會巡房一次, 通常都唔係探病時間或者餵奶時間出現, 所以想知道bb情況都係問返姑娘。 細佬抽血個指數係11.4,而正常合格指數係10, 好彩都唔係高咗好多,我地兩公婆都鬆一口氣。不過 點都要打抗生素,最少連續打三日先,中間個日會再抽血,呢次抽完個指數係10.6 合格了,所以抗生素打三日就得,如果指數都仲係高就會要打5-7日。 細佬有兩種抗生素,一種一日打一次,一種每六小時打一次。 細佬星期一去兒科,我星期三自己出院先,諗住星期四打埋最後一支就可以出院啦,因為我問過兩個姑娘,佢地都話大機場可以出,點知我星期四早上去探時再問姑娘,原來打哂之後要再觀察一日,期間都無得回家渡假無法啦,於是我兩點幾餵埋奶泵埋奶就走啦,到星期5,早上10點幾就打黎通知可以接細佬出院了       接著就開始展開屋企一打二生活了                   產品試用/活動邀請/其他合作 歡迎聯絡:tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily