副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

2019年8月媽媽產前講座分享

# Last Update: 2/9/2019

# Last Update: 2/9/2019 第一次寫blog, 想記錄下去聽產前講座收到的禮物, 同分享下tips/心得. 睇得多其他媽媽分享, 我都想貢獻一下 Link我就唔post喇, 有興趣就search返佢地網頁/facebook都應該會搵到~   第一個產前講座: 2019/8/16 AQ免費健康講座(約2小時) 呢個講座唔一定要懷孕先去聽得, 但禮物內容就以BB為主, 佢主要係介紹AQ產品, 同埋有套裝優惠可以即場預訂. 佢地話仲平過展覽優惠, 唔知係咪喇~ 講座期間有 有獎問答環節, 坐前D被選中機會大D.   第二個產前講座: 2019/8/18 美素佳兒產前實習坊(約2小時, 中間有一短break) 今次同老公一齊去聽, 可以試飲媽媽奶, 仲有個BB公仔比您做模擬幫BB沖涼/換尿片, 都幾搞笑. 奶粉商D講座一向都好實用, 但我略嫌佢講得快左DD, 一唔留心同老公講2句野就好易會miss左小小. Tips: 早D去登記, 佢地好準時開始 (甚至早左開始), 一開始有個電話問答有獎遊戲, 如果遲到就會miss左.   講座完場後出到外面, 咁啱又有奶粉商姨姨出現幫大家登記做媽媽會員, 所以我又登記左(第N次), 又拎左D入會小禮物. 第三個產前講座: 2019/8/25 美贊臣產前講座(約2小時, 中間有15mins break) 第二個奶粉商產前講座, 係旺角康得思酒店舉行, 今次都係同老公一齊去。 佢地set左幾個遊戲位係會場, 玩完可以換禮物, 因為係用SMS入面條link玩, 所以2個人去每個遊戲都係換到一份禮物。 禮物一: BB車掛袋 係會場影一張即影即有, 之後share上facebook就可以換到。 其實張相都幾靚, 因為個background好colorful, 仲有隻公仔(豬/老鼠)比您抱住影相, 可以揀返自己BB出生生肖。 可惜我當日太素顏, 張相唯有留返比自己欣賞, 唔係度post喇, hahaa XD 註: 呢個game係最多人排, 如果早到登記可以玩先, 不過玩唔切都唔緊要, 中間放break時都可以玩返。 禮物二: 滴露濕紙巾一包 玩一個配對game就可以換到, 非常簡單。 禮物三: 給BB的明信片 入場登記完工作人員會派一張明信片比您, 可以寫低您對BB的寄望/說話, 之後會係您指定月份寄出, 放入會場設置的郵筒就得, 唔駛貼郵票。雖然張明信片唔太靚, 但反正幾得意我都有寄到。 禮物四: 紅豆布丁 講座中間放Break時, 可以憑SMS上的QR換一份紅豆布丁即場食, 布丁係用媽媽奶粉整成。 一開始老公仲話點解得一份咁少, 但佢食左一啖之後已唔想再食XD 其實又唔算難食, 但的確係會食得出媽媽奶粉嗰隻味, 未必人人啱。 禮物五: Enfinitas 媽媽藻油DHA 嚴格黎講呢個其實唔係禮物, 係要比錢買。 會場有一D工作人員會拎住D藻油DHA比媽媽試食(一粒一粒咁裝住), 覺得OK可以係會場買一盒。 講座價$100/盒, 一人只可買一盒。 呢個價點都平過出面買, 反正我有食開藻油DHA, 所以都買左一盒。 禮物六: U型枕 講座重點禮物, 完晒成個講座就會收到SMS, 入條Link填返問卷, 之後出示"完成問卷"個頁面就可以換到U型枕, 正! 講完禮物, 講返今次講座內容, 分別有2 Part, 2個醫生講解。 第一part係將成個懷孕過程, 由受孕到生產好似summary咁講一次, 都OK, 等大家有一個清晰了解。 第二part就講闗於BB出生後一D照顧技巧, 初生檢查/疫苗, 產前/後飲食等等, 都幾豐富。 不過老公話第二part未吸收到, 因為暫時未到嗰時階段, 我就話咁臨生前睇下有無機會再聽多次, 哈XD   第四個產前講座: 2019/8/31 Mothercare母乳餵哺分享會(約1小時) 本來以為8月產前講座完美落幕之際, 竟然比我無意中發現並成功登記到Mothercare母乳餵哺分享會. 如果媽媽們係打算餵母乳, 呢個講座可以話係十分十分十分有用! 我甚至係錄左音, 留返遲D重溫. 有興趣媽媽記得緊貼Mothercare facebook, 因為都係可遇不可求. 講返分享會, 點解我覺得佢咁有用, 首先講者係一個好專業好有經驗ge陪月姨姨, 佢講得好detail好仔細. 比如呀B含住乳頭唔食奶時媽媽可以做咩小動作引佢食? 泵奶泵左10ml 出黎 (唔多唔少) 咁可以點處理, 放雪櫃定放冰格? 防止乳腺阻塞可以點做? 呢D都係只參與奶粉講座唔會知道, 但其實又對新手母乳媽媽好重要ge知識. 其次呢個講座係小班教學, 大約20人左右, 令到出席者都好樂意好踴躍發問. 總括黎講呢個分享會真係very good! 係時間太短, 因為實在有好多野問, 而講者亦有好多tips心得想分享比媽媽們 XD 完場仲有一袋小禮物, 同埋可以即場join Mothercare 會員, 正價貨有9折.   今次抽唔中BeautyMama孕婦按摩班講座, 所以8月份媽媽講座分享就到為止. 9月產前講座分享文已經出左, 大家有興趣可以去留個腳印。 2019年9月媽媽產前講座分享 (上集) https://mamibuy.com.hk/talk/article/78251 2019年9月媽媽產前講座分享 (下集) https://mamibuy.com.hk/talk/article/78872 2019年10月媽媽產前講座分享 (上集) https://mamibuy.com.hk/talk/article/79198 2019年10月媽媽產前講座分享 (下集) https://mamibuy.com.hk/talk/article/79549     多謝收看:)