副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【產前準備】MATT豬媽媽之心水BB用品LIST分享~~

由於MATT豬11月尾先出世, 所以我到而家都仲未買任何BB用品 (懶得就懶下先). 加上8月頭BB展撞正旅行去唔到, 想等9月尾一田/AEON SALES 減價再一次過買! 下個月BB 28weeks身體上應該都還OK可以慢慢睇丫! 建議媽媽們唔好最尾一個月先去買, 到時個肚好大好易攰架, 又行得唔耐又辛苦的! 第一胎既關係, 所有BB用品真係完全無頭緒要點揀好呢? 有咩要準備呢? 淨係奶樽都勁多款同牌子.......好難揀!! 所以一定要問下有經驗既朋友們, 再自己上網睇下COMMENT去決定啦~ 細件既日常用品(奶樽/奶咀/棉花/清潔用品/濕紙巾/包被/口水肩/和光尚袍/紗巾 等等都未諗好), 反而大件既野有幾款我就已經諗定買咩牌子好, 哈哈   以下係我個人既心水LIST分享 i-angel 2合1 四季型腰櫈揹帶 (適合3 – 36 個月): 心水原因: 1. 可以單獨用腰櫈/腰櫈揹帶一齊用 2.朋友用開介紹+網上評價高 3. 多色揀 另外仲有4合1 較新款式, 好似只係多左腰封揹帶(1個月起可以用), 但價錢就貴5-6百~ 不過個人建議BB太細頸仔未有力都係手抱/用BB車較安全, 所以我都係揀2合1款式就夠用~ **一條舒服既揹帶好重要, 除左BB用得舒服, 減輕父母既脊椎+腰部既壓力都好重要!!   Babymate 4合1奶樽蒸氣消毒機: 心水原因: 1. 有4合1的功能 ⇒ a.) 獨立蒸氣消毒, b.) 獨立烘乾, c.) 蒸氣消毒+烘乾, d.) 烘乾後當作儲存盒用  2. 朋友用開介紹+網上評價高 3.價錢合理 $8XX (如果BB展仲抵又有野送) **朋友話最緊要揀有烘乾功能, 因為蒸氣消毒完唔烘乾, 有水氣好容易會有細菌呀!!   六甲村孕婦哺乳月亮枕 (多功能): 心水原因: 1. 多功能! 懷孕期媽媽可以側睡用, 夾住黎訓好舒服, 或當頸墊/背墊 2. BB出世後可用黎餵奶/固定BB坐 3. 面袋可以拆洗或更換新的 4. 唔會太大舊 **網上或AEON 都方便買到, 價錢$300幾左右 (又平又好用)   Stokke Tripp Trapp Chair (成長椅): 心水原因: 1. 可以由初生坐到60歲(雖然係貴左DD, $2XXX, 但用咁耐就抵返哂) 2. 加配件可以當High Chair咁用 3. 安全 , 可承受110公斤重的成人重量  **Hair Chair相信都係BB 必需要買的, 可以同大人同台食飯養成良好既用餐習慣!  加上好鍾意呢張櫈既設計, 簡單但實用! 同埋可以自己揀唔同木既顏色襯返屋企都得, 得左haha~~ Combi Handy 4 雙向四輪BB車 (適合初生-3歲): 心水原因: 1. 輕身4.7KG, 單手可收車  2. 雙向模式 前向/後向 (初生時面向媽媽方便睇到BB情況) 3. 四輪轉向, 即前後輪都可以轉動, 轉彎時更暢順, 減小震動BB  4. BB座位55CM高, 愈高愈好 (唔洗吸咁多塵) **BB車係好難揀既用品之一, 未用過無經驗又太多選擇, 各有各優點, 所以要自己取捨呀, 我就以實用為主! 之前我係有考慮過CHICOCO既Simplicity 2019款式, 因為車身較實淨, 推落覺得好穩陣, 感覺防震較好~ 亦因為用料較粗, 所以都係較重身7.1KG (單手收車會吃力D). 最後問過好多朋友用後感, 佢地都係話揀輕身你會用得耐D, 如果揀架重身, 都係好快會換! 哈哈! 考慮到呢點, 就算渣車出入都好, 一定係揀架輕身易收會方便D, 所以就揀Combi喇~~   Stokke BB 沖涼盤 (可摺式): 心水原因:因為媽媽group推介,外型又岩心水(多色揀, 粉紅/透明色都好靚), 仲可以摺疊好慳位又實用呀! Mothercare 價錢$398~~   希望可以幫到未有頭緒點揀/點買好既媽媽啦^_^ 下次買完BB日常用品會繼續分享~~ 謝謝大家支持~     以上提及的產品純粹本人自用/意見, 沒有廣告成份的~ 大家可以自行評估適合/不適合喔~~(如有問題, 歡迎PM我) MATT豬媽媽日常生活可關注: INSTAGRAM   歡迎產品試用/活動邀請: EMAIL chuimei_chung@yahoo.com.hk