柔柔b終於好返了！   其實早幾日，柔柔一直有點肚瀉及發燒症狀，醫生話應該係過濾性病毒入腸。 經過今次之後，先發現自己處理上有不當，所以集合了醫生的建議及翻查了一些資料，等大家知道如果寶寶遇上#肚瀉應該如何處理。   《避免高纖食物，少油》 一向都知如果肚瀉要吃得清淡，少吃多餐，所以就加左d瓜丶菜落粥仔度，點知醫生話其實bb肚瀉，最好其實是吃肉碎粥，因為瓜菜屬高纖食物比較難消化，而呢個時候就該好好讓腸胃休息。除此之外，食物亦要少油，所以三文魚亦不合適。   《補充水份丶鹽份》 肚瀉期間，為防止脫水，補充足夠水份好重要，記得要多喝水或湯，而粥仔內亦可以加入適當的鹽。   《避免吃乳製品》 肚瀉期間不宜吃乳製品，如奶粉丶含奶類成分的糊仔，因內含乳糖，可能加劇寶寶的腹瀉情況。柔柔肚瀉的第二天，完全吾肯食固體，只肯飲奶，後來問醫生先知原來有專門for拉肚子的奶粉，佢介紹雀巢能恩AL110無乳糖奶粉，可以喺呢段期間代替平時飲開的奶粉。其實應該都有其他牌子有出類似嘅奶粉，不過當時醫生介紹呢款，所以我就冇特別再搵資料，注意呢款奶粉只在屈臣氏有售。   希望以上資訊幫到大家！ 祝大家的小寶寶都健健康康！ ============== 四月媽媽手記 Fb: https://facebook.com/april.mamama Instagram:  https://instagram.com/april.mamama Email: aprilhui412@gmail.com