依間《美滋鍋》全粉紅裝修主題嘅火鍋店非常有人氣，是新加坡火鍋，見到仲有埋兒童遊戲，所以同老公帶埋海豚BB來試下   餐廳位於旺角，因為我有book位，所以等左一陣就入去 座位都好寬敞，有小朋友椅子提供： 店員亦為我地介紹返用佢地既點餐機落食物同湯鍋：  醬料在外面自取，種類非常之多！仲有水果任取添！ 選擇困難，同老公叫了四拼湯鍋(四季鍋)，分別係膠原蛋白養顏美容鍋、滋補養生香辣鍋、養生藥膳醉雞鍋和清涼解熱雲耳鮮椰子鍋！ 湯鍋內既材料真材實料，大熱的美容鍋，香辣鍋都好入味，醉雞鍋都幾有酒香，先飲湯已經覺得好滋味，令我最愛的是：椰子鍋，非常香甜，椰子味好出，仲有淡淡雪耳椰子肉！ 而火鍋食材都有好多選擇，有一份同半份既量供選擇~ 最先叫的是黃金魚皮，沾滿鹹蛋黃的魚皮，唔洗講都知有幾香口，實在太邪惡的美食！ 飲品是叫一杯任添的，我叫左：紫背天葵，酸甜好解渴。 食物方面叫了：本地手切肥牛、美國安格斯牛小排、芝喜雞肉腸、鴨血、軟骨爽肉丸、菌類綜合盤、手打烏冬、娃娃菜、粟米、萵荀片、冬瓜片。 個人喜歡美國安格斯牛小排多於手切肥牛，牛小排肉香有咬口。 芝士墨魚丸是出相片在fb 或IG就會送的，送的但是好好味~ 食材上我都覺得新鮮，襯埋各種入味湯底，實在是享受，不過同時要照顧下海豚B，我食到中場就同佢去兒童遊戲室玩，雖然面積不大，不過我當日只有我和另一個家庭進去玩，所以海豚B玩得好開心，基本上是不想回去食東西....當我回去時，老公已食掉好多東西XD。 另外，好窩心的是，店員哥哥送左隻閃閃錶給海豚BB！她非常開心~ 最後是手打烏冬有點後悔叫了一份，其實半份已經足夠，因為好飽了！就算海豚B也一起食，但都食不完。埋左單後，仲有杯柚子沙冰送，清下口氣同解膩，這個清新，我好喜歡，雖然好飽但還是喝了兩杯。 門外還有道具打卡位，整個店又多粉紅色，連Bear Bear也有， 食物味道好，特別是湯底，是女性聚會的好地方。另外加埋兒童遊戲室，也適合帶小朋友來呢~ 大家也來一起交流新手爸媽的湊B樂吧！留言或私訊我也可！ DolphinB的Facebook：https://www.facebook.com/dolphin.bluesky/   3個月大海豚BB驚人語錄：https://youtu.be/nG1sWg70xyo 關於海豚愛美生活日誌： 喜歡海豚的DolphinB，細個好鐘意畫公仔，上堂時會畫恐龍仔代表男朋友，至今已與"為食龍DC仔"由中學相戀，結婚，到現在誕下海豚寶寶。我以每人都「值得擁有」夢想的幸福生活態度而前進。喜歡分享生活、家品佈置、畫畫、扮靚心得～幼兒教育一級榮譽學士、做過：幼稚園老師、網絡平台編輯及公關，髮型用品代言人、現職全職媽媽及Freelance digital marketer。 DolphinB的email：cloudy_bluesky@yahoo.com.hk instagram：DOLPHINBLUESKY DolphinB Youtube You can also find me in: 【Blogspot】【WeShare】【Ztyle】【BE】 【Baby Kingdom】【MamiBuy】【ELLE】【She.com】 【EsdLife】【cosmopolitan】【Ulifestyle】【presslogic  Mami】 一起交流新手爸媽的湊B樂吧！