副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【二寶孕記】孕媽媽選擇護膚品、化妝品須知

 

當我知道自己有咗二寶之後,我即刻睇返屋企平日用開嘅護膚品,到底係咪適合懷孕期間使用。   因為當女性陀咗BB之後,體內嘅激素就會產生變化,皮膚容易變得乾燥、暗黃、仲容易出現敏感等問題。同時間亦唔可以化濃妝,(好彩我本身鍾意自然妝容,近乎素顏)。 但就算唔化濃妝、唔化妝日常嘅護膚都係好重要嘅。   如果孕婦用咗含有化學成分、重金屬等有害物質嘅化妝品或者護膚品,係會影響BB正常發育。 因為BB係透過胎盤從母體獲取營養,而化妝品、護膚品上嘅微細分子物質都能夠通過胎盤進入胎兒體內。如果成分係有害,就會影響BB嘅發育o架啦!   所以孕婦要選化妝品、護膚品嘅話,都係要選擇返純天然成分。   孕婦選擇護膚品,最好選擇無添加酒精、染料、礦物油、激素、重金屬、凡士林、丙二醇、異丙醇、石蠟等   而重點要留意,產品一定唔可以含有以下成分; 1、維A類成分  2、水楊酸 Salicylic acid (通常用於祛痘類嘅護膚品中) 3、過氧化苯甲醯 Benzoyl peroxide (通常用於祛痘類嘅護膚品中) 4、AHA (即果酸,通常用於去角質嘅護膚品)   另外,陀B期間都唔適宜用具有美白、祛痘、祛斑功效嘅護膚品了。   所以,孕媽媽要留意清楚護膚品成分先使用呀~唔好聽人講話好用就馬上使用呀。     -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。