副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

80後手作媽媽 - 分享滿月戒夜奶心得

同媽媽們傾計時好多時都會提到點樣讓BB可以滿月就戒夜奶,我自己作為一個新手媽媽都真係好concern呢個問題,一來BB可以一覺訓天光訓嘅時間可以增加,二來就係自己都唔會咁辛苦,很好彩,小Sheryl真

同媽媽們傾計時好多時都會提到點樣讓BB可以滿月就戒夜奶,我自己作為一個新手媽媽都真係好concern呢個問題,一來BB可以一覺訓天光訓嘅時間可以增加,二來就係自己都唔會咁辛苦,很好彩,小Sheryl真的一滿月就自動戒左夜奶,而我亦無刻意迫佢,就自自然然一滿月就戒了夜奶,到而家2個幾月了,一直都係夜晚十點或十一點倒食完果日嘅最後一餐,就一覺訓天光到第2朝6點幾7點到就起身,當中究竟有D咩小橋妙? 今日就想同大家分享下我嘅小心得~ 由一開始我就一直都做以下嘅動作: 1. 每晚餵果日的最後一餐奶時我都會熄燈,只開小夜燈餵奶 2. 白天我會開窗簾俾太陽曬入來又或者開燈,夜晚我就唔會開咁多燈,俾BB知道白天同黑夜嘅分別 3. 白天我會讓佢定時飲奶,例如每3-4小時,就算佢訓左覺直到最多5小時我都會叫醒佢食。滿月前,我都一定會餵夜奶,有時如果深夜無叫,過左5小時我都會叫醒佢食; 但滿月後,我就唔會叫醒佢,有時深夜佢會發出D Ka Ka聲,我都唔會即刻理佢,因為佢有時會訓番,直到有一夜,佢Ka Ka左2聲,我無理佢,佢就一直訓到第2朝先起身叫肚餓,自呢夜開始佢就正式戒左夜奶了。 4. 夜晚訓覺我會幫佢穿包被加暖肚帶,讓佢有個溫暖的環境訓一覺好的。包被方面我會選擇背心拉鏈款的,因為小Sheryl動作好多又大力,如果用就咁係一塊方布包果種跟本踢2,3下就踢開左塊方布,對佢來說真係無咩用,所以用拉鏈果款就一定踢唔開。另外,暖加埋肚帶除左幫肚仔保暖外,仲有個好處就係貼緊佢心口,等佢就算紮醒時都有野護住心口唔會驚驚。中午後我就唔會用包被同暖肚帶,慢慢佢就會知著好包被就係要好好訓覺啦! 5. 我會俾佢則睡,一來防止嘔奶的話可以向側面流唔會潰親,二來我會捲好一塊毛巾成圓筒型Sip住佢背部,幫助佢側睡定好個位,而且咁樣佢有D野Sip住背脊都會訓得安心D。 以上就係我一直以來讓小Sheryl夜間好好訓覺的小方法,分享一下俾大家參考,當然每個小朋友都唔一樣,唔會話有D咩特定方法一定得,特別係如果有黃疸嘅小朋友就避免太早考慮戒夜奶了,其實最後都要睇番每位BB嘅需要、性格同家長同BB嘅配合,因為最明白BB需要嘅一定係BB嘅爸爸媽媽,湊小朋友真係有血有淚架! 當您見到BB一日一日大,每日嘅變化,由一出世成日訓覺到佢大個D俾好多反應成日對住您笑時,就會明白每一個付出都係值得的! 加油喔媽媽們! 共勉之~~ =============================================================== 80後手作媽媽 - Sing Ching  作為一個80後手作人媽媽,自寶寶出世後,對她穿的用的都每天學習研究,務求給寶寶最好的,也很想跟新手媽媽們分享經驗,盡力搜羅實用又靚靚的寶寶衣服和用品,以貼地價錢分享給大家!有興趣媽媽們歡迎Follow以下Facebook Page: https://www.facebook.com/bjbabyhk Follow 我們的Instagram睇更多小Sheryl的生活照啦! https://www.instagram.com/bjbabyhk/ 如有任何邀稿或產品試用,歡迎電郵聯絡: bjacchk@gmail.com