副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

80後手作媽媽 - BB便便和私處的處理

今日想講下BB嘅便便同私處嘅處理,我個人覺得呢項十分重要,因為我自己小朋友嘅時候就試過尿道炎,係十分手尾長,好痛苦而且好難根治,尤其係女仔,由於女性尿道較短,而且女性尿道口離肛門較近,所以如果處理得唔

今日想講下BB嘅便便同私處嘅處理,我個人覺得呢項十分重要,因為我自己小朋友嘅時候就試過尿道炎,係十分手尾長,好痛苦而且好難根治,尤其係女仔,由於女性尿道較短,而且女性尿道口離肛門較近,所以如果處理得唔好就好容易會受感染。而且最近有位近親嘅BB,係男仔都因為尿道炎發燒入左院4日,所以我特別注意呢個問題,每次都會好小心處理,今日想同大家分享一下: 1.    幫BB勤換片 BB只係會飲奶,佢每日都吸收好多水份,所以便便次數正常會係好多次,我地應該多留意BB嘅片片,只要一見到尿濕指示係轉左,就唔好猶豫啦,應該立即同BB換片! 2.    擦BB Pat Pat的方向 每次為BB擦Pat Pat都應該向後擦,即係意思係向背脊方向擦,唔好向前(即向尿道口),因為如果你向前擦,就好可能將污衊野帶入尿道,增加尿道炎嘅發生率了。 3.    待Pat Pat乾爽了才穿尿片及塗Pat Pat膏 為BB抹乾淨後,盡可能唔好即刻穿片片,可用手向Pat Pat潑幾下俾D空氣讓Pat Pat乾爽一點,又或者用乾的棉片輕輕印下Pat Pat讓佢快D乾爽D,跟住記得幫BB的Pat Pat隙位置塗上Pat Pat膏,有助治療同預防紅Pat Pat的問題,之後先為BB穿上尿片,穿尿片的鬆緊度要適中,唔好太緊也唔好太鬆。 4.    大便的處理 BB愈大,大便的量就會愈多,而且味道會愈來愈濃,每次抹大便都記得要向後抹清,即係應該抹到張棉花巾係無晒黃色先叫乾淨。男仔的話要留意茹茹的位置,而女仔的話要留意陰道的部位,因為有時D便便會走左入去D隙位,應輕輕力反開抹乾淨,有需要可以用濕左溫水的棉花捧輕輕抹乾淨,記得一定要好溫柔,因為BB皮膚尤其呢D位置特別脆弱。BB大個D的話,可以選擇抹完之後再去洗手盆用溫水同BB沖涼液清洗一下,咁會更加之能確保乾淨。 5.    紅Pat Pat問題處理 由於BB的皮膚通常都係十分敏感,Pat Pat位置好容易會紅,呢個時候媽媽要好好處理之餘,也要留意為BB用的Pat Pat膏是否對BB有效用,因為我試過好幾隻Pat Pat膏都唔係隻隻有效,有D擦左好幾日都無效,仍然好紅,終於俾我搵到隻在香港買唔到的,係扥朋友在澳洲買的天然成分Pat Pat膏先有改善,呢款Pat Pat膏都係我在網上搜資料後有好多台灣朋友推薦的。如有媽媽有同樣問題歡迎PM/Facebook inbox我喔!~ 6.    BB女假月經 媽媽有機會會在BB女頭一個月留意到片片上面有少少紅色的血,好幾日都會有咁嘅情況,我初初見到時都有點驚,後來問左健康院姑娘,佢叫我觀察下,係咪維持大概3-5日之後就無,的而且確小Sheryl大概第5 日就無呢個情況,原來係「假月經」,係生理性嘅新生兒陰道出血,係由於BB在媽媽的子宮入面時,媽媽體內嘅雌激素通過胎盤進入BB體內,而BB出生之後體內嘅雌激素水平迅速下降,BB子宮黏膜失去了雌激素的作用,因而脫落出血,形成「假月經」,所以如果媽媽見到咁嘅情況就唔洗太擔心,觀察一下情況是否如上面所講。 資料來源: https://kknews.cc/zh-hk/baby/kol2jp.html 7.    BB女的陰道分泌物 媽媽可能會留意到BB的陰部位置,如果反開會見到有D白色分泌物,沒有異味的,我就問過醫生,醫生話係正常的分泌,不用特別理會,也不用每次換片時都擦掉呢D分泌物,因為其實呢D分泌物係有保護的作用,只要在替BB沖涼時輕輕用濕的紗巾抹下,確保呢個位置乾淨就可以,不用刻意反開抹清晒D分泌物。 照顧BB真係要好用心機! 每天細心觀察好好照料係好重要喔! 各位媽媽要加油喔!  =============================================================== 80後手作媽媽 - Sing Ching  作為一個80後手作人媽媽,自寶寶出世後,對她穿的用的都每天學習研究,務求給寶寶最好的,也很想跟新手媽媽們分享經驗,盡力搜羅實用又靚靚的寶寶衣服和用品,以貼地價錢分享給大家!有興趣媽媽們歡迎Follow以下Facebook Page: https://www.facebook.com/bjbabyhk Follow 我們的Instagram睇更多小Sheryl的生活照啦! https://www.instagram.com/bjbabyhk/ 如有任何邀稿或產品試用,歡迎電郵聯絡: bjacchk@gmail.com