副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[親子好去處] 貫穿三層滑梯·Donut Playhouse

兩條超滑sir滑梯貫穿三層!但只可以滑一次⋯ 每層有唔同玩樂空間~ 第一層係有電視遊戲、大肌肉運動!地方唔大㗎! 最後一層係深海波波池~波波夠多夠深,小朋友可以跳水!呀媽我玩得好爽!平時抑壓嘅情緒可以抒發出嚟~冇限掉個仔落海!我仔係波波池玩到好開心~不過說真的價錢真的略貴啊~ 影片分享 遊樂場就係電梯側邊~ 每場1小時,$160包一大一小 小朋友sir滑梯前要先帶頭盔! 大人、小朋友都要帶鞋套! 呢條滑梯勁滑喎!超好玩~但係只可以sir一次 *因為如果要上返去要搭電梯上,不過入咗遊樂場唔可以出返去⋯ 落咗第二層先玩配對電視遊戲~ 仲有大肌肉遊戲設施~ 地方唔大,呢一層要玩半小時⋯ 其實玩左10分鐘,在場比較大啲小朋友已經問可以sir落下一層未⋯哈哈!係有啲悶嘅⋯我仔四歲都麻麻哋啱玩!呢層比較啱幼兒玩! *可惜sir滑梯只可以玩一次,原因遊樂場裏邊冇樓梯上返第二層,要出返去搭電梯先上到⋯ 終於玩夠30分鐘,可以落第二層⋯ 一樣滑梯只可以玩一次啊~ 除鞋準備入波波池啦! 最底層係超級大波波池~ 波波池入面收埋咗好多寶藏㗎! 波波池夠深!到我膝頭哥位置~ 所以呢度比較啱大小朋友玩! 小朋友可以玩跳水! 仲可以潛水~呢度玩到勁攰!可以放任地游水、潛水、跳水~ 我仲可以係咁掉個仔落波波池!哈哈~ 抒發唔少情緒呀~呀仔仲覺得好好玩添! 呢度又係玩30分鐘,話咁快兩個地方就玩咗一個鐘 玩完波波池,外面仲有少量玩具試玩! 總括我覺得有點貴,不過去到波波池又覺得幾好玩喎! 玩完又可以行吓商場,行下Hea下又一日! 如何預約呢? 只需要下載K11 HK APP,簡單登記做會員後,按精彩活動更多按鈕。 選擇Donut Playhouse 選擇日期時段,$160,套票包一大一小 付款後會收到電郵確認通知! *K11 MUSEA* 尖東站J出口即達,洲際酒店隔離 https://www.facebook.com/K11MUSEA/ ———————————— Follow 埋 IG:https://www.instagram.com/chochomamami/ 100個+親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #4Y #全職媽媽 #親子 #下雨天 #尖沙咀 #parentalblogger #hkblogger #好去處 #放電 #室內遊樂場 #親子好去處 #親子遊