副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【面試模式篇】如何演好K1面試呢場「戲」?

不少家長都曾有疑問:「小朋友才兩歲多,懵盛盛,面試到底睇啲乜?」K1面試其實係考家長!除了事前大人小朋友都熟習十大面試玩具,和準備好面試必問問題外,不同的面試模式會影響到小朋友的表現及家長的應對方法,要留意啊! 相關文章>>> K1面試其實係考家長!7條暗藏危機的面試問題(上) K1面試其實係考家長!7條暗藏危機的面試問題(下) 首先,家長要了解面試可能會遇到的面試模式: A)家長和小朋友一同與老師面談; B)家長和小朋友分開,各自與老師面談(但處於同一課室); C)家長和小朋友分開到不同課室,各自與老師面談;和 D)幾個小朋友一同遊戲的Group interview A) 家長和小朋友一同與老師面談 這是對小朋友和家長最有利的面試方式,亦是學校最普遍採用的方式。一般是老師逐一把玩具取出,給予小朋友指示,同步老師會與家長面談。另外,亦會考驗辨認顏色、日常生活物品(如麵包、蘋果、書等)、動物(如貓、狗、魚、獅子等)大B多數要求講出物品名稱,細B則可接受按老師要求指出物品。家長毋須過份擔心,老師了解到不同年齡BB的差異,會調整應對要求。不過為穩陣起見,如小朋友是細B,最好在老師面前多提醒幾句,以防老師遺忘了這一點。 B)家長和小朋友分開,各自與老師面談(但處於同一課室) C)家長和小朋友分開到不同課室,各自與老師面談 這兩種形式都是家長與小朋友分開,可以考驗小朋友與家長分離時的反應和表現,兼考驗小朋友在沒有家長在身邊時,真正的個人能力。遇上這兩種面試模式,家長是否就無能為力?非也。這時最重要照顧小朋友的心理質素。家長在分離前,必須向小朋派好「定心丸」: 步驟: 1. 交代要分離:「爸爸媽媽去嗰邊/另一間房同老師傾偈,你留係度同老師玩。」 2. 交代何時/哪裡可以見到父母:「同老師玩幾個遊戲,爸爸媽媽就會返嚟接你。/爸爸媽媽坐係嗰張紅色櫈仔座,你會見到爸爸媽媽的背脊。」 3. 分散注意力:可指著桌上已準好的玩具,其至親自示範玩一兩下(不要太多),老師都會配合用玩具吸引小朋友。 4. 當見到小朋友已願意坐在老師面前玩,就要即時去家長應去的位置,以免小朋友的注意力重新投入到家長身上,捨不得與家長分離。 以上這幾步只要多花兩分鐘,但對小朋友而言是非常重要,如只簡單地說聲「咁你留喺老師度啦,拜拜!」小朋友未意會到發生甚麼事,家長就「消失了」,會令小朋友以為被遺棄,不但會影響面試表面,更有機會留下陰影,日後對學校有所抗拒。另外,家長表現出懂得教育小朋友,面試是會加分的。 D) 幾個小朋友一同遊戲的Group interview 這種面試模式最令家長摸不著頭腦:老師到底考甚麼?主要考核的是小朋友自身的大小肌肉發展、手眼協調、社交能力和平時家長對小朋友行為教育的成果。 家長是否就可呆坐一邊眈天望地玩手機?非也。若小朋友比較慢熱,家長要協助小朋友盡快投入,當小朋友投入後便要放手讓他自由玩耍,家長參與太多會給老師「直升機家長」的壞印象;若小朋友較活潑好動,家長要留意小朋友可有危險或過激的行為(如橫衝直撞、推撞他人),如有便要及時阻止及教導。一班小朋友玩玩具,意外碰撞或爭玩具的情況必然會出現,家長要毋須過份緊張,切忌指罵自己小朋友或對方小朋友甚至家長,應即時調停及教導,再讓小朋友重新投入玩耍,讓面試這場「戲」繼續進行就可。 K1面試其實係考家長!無論是哪一種面試,都要求小朋友和家長的配合,有時小朋友的行為有所偏差,是可以理解,但家長的表現才是老師考量的重點。如果小朋友在面試時出現發脾氣、不聽指示、搶玩具、甚至打其他小朋友等嚴重偏差的行為,爸爸媽媽要怎樣拆解?即click睇【小朋友面試失控篇】如何演好K1面試呢場「戲」? ************** 相關文章>>> K1面試其實係考家長!七條暗藏危機的面試問題(上) 幼稚園選校點入手? 幼稚園開放日睇啲乜?