副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

COBO HOUSE 爆谷雪山慶生日

生日過後咁快就超過一星期,當晚話過會同大家講番喺Cobo House食咗啲乜,因為真係好有特色,充滿 #波希米亞情調 嘅優美環境,配合有韓國色彩嘅西式美食同賣相超精緻嘅cocktail... 喺Cob

生日過後咁快就超過一星期,當晚話過會同大家講番喺Cobo House食咗啲乜,因為真係好有特色,充滿 #波希米亞情調 嘅優美環境,配合有韓國色彩嘅西式美食同賣相超精緻嘅cocktail... 喺Cobo House 慶祝生日真係冇揀錯! 韓籍主廚David Kim嚟咗Cobo House後,呢度嘅fusion菜式就開始充滿驚喜,好啱我呢種喜歡精緻菜式但又時不時想有新鮮感嘅人。 首先,前菜 Galbi Arancini Rice Rolls 係一款包住韓國直送高級牛腩嘅炸飯卷,外層極香極脆,裡面嘅韓國牛腩肉汁四射,配埋惹味韓式醬料,無論味道同豐富嘅口感層次都令人難忘。 接住嚟嘅主菜係呢度招牌菜之一嘅 #北海道海膽韓國辣椒意粉,賣相已經夠震撼,由日本空運到港的北海道馬糞海膽份量好足,一瓣瓣鋪晒喺厚厚嘅忌廉泡沫上,撥開忌廉裡面就係用韓國辣椒同番茄醬烹調而成嘅意粉。呢種配搭好新鮮,海膽嘅鮮甜加上香滑忌廉帶動,入口即時化開佈滿味蕾。而韓國辣椒就突然爆發一種辛辣感,甜、鮮、辣一併來襲,令人覺得呢個味道新奇又刺激。 不過呢晚我最鍾意嘅係Cobo House 今年新推出嘅 #鮑魚意大利飯,一來個人主觀口味好鍾意食鮑魚,二來加入韓國風味烹調嘅鮑魚,配搭傳統嘅意大利飯,我真係第一次食。鮑魚鮮味彈牙,鮑汁滲入意大利飯嘅香濃忌廉,的確特別滋味。   第一次食植物肉Impossible Burger 2歲半嘅Bat Bat 唔食辣又唔食鮑魚,我揀咗Impossible Burger 畀佢,即係用「#植物肉」嘅漢堡,我都係第一次食,食落去嗰刻真係驚為天人!塊漢堡超超超好食,食落似肉,鮮嫩多汁,但煎香後味道比肉更勝一籌,極香極濃,唔係一般肉類可以比較!我即時bling bling 眼???? Bat Bat 都好識食,舔舔脷 ????。   生日蛋糕?震撼登場Pop Mountain 最後... 就係我今年嘅「#生日蛋糕」,我最期待嘅Pop Mountain爆谷山。之前有睇過相,但捧出嚟嘅一刻,我亦興奮到wow出來,呢座爆谷山有25cm高,插住蠟燭好有童話堡壘feel,真係好適合慶祝生日☺️ 用匙羹挖開,雪山內藏雪糕,外面鋪滿嘅係脆卜卜嘅爆谷,不過最正係我同Bat Bat吹完蠟燭後,有人即刻過嚟幫我哋喺Pop Mountain 灑上即磨喜馬拉雅山粉紅玫瑰岩鹽,好似落雪嘅感覺,甜中一點鹹仲好好食㖭。 我哋揀呢個Pop Mountain係大尺寸($188),如果驚食唔晒,其實仲有細尺寸迷你版㗎($128)。   Light Cocktail Gemstone 有我喜歡的chamomile tea 及Jinro soju, 好飲而且好美。   COBO HOUSE HONG KONG 地址:西環石塘咀南里8-12號地下及1樓 電話:2656 3088   ========== 如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。   Mrs Co:Lam 凱林家生活 Facebook:www.facebook.com/mrscolam Instagram:www.instagram.com/mrscolam Email: hello@mrscolam.com Website:www.mrscolam.com