副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

3個我最鐘意嘅Me Time活動分享 媽媽一定好好善侍自己

做左媽媽之後,真係成副心機放晒去bb到,好多時都放棄埋自己鐘意做既事。就算有Me Time,個心都會攞攞彎,成日都會想快d趕返返屋企見下bb,搞到連私人時間都唔可以好好享受⋯⋯ 直到最近,個人壓力真係

做左媽媽之後,真係成副心機放晒去bb到,好多時都放棄埋自己鐘意做既事。就算有Me Time,個心都會攞攞彎,成日都會想快d趕返返屋企見下bb,搞到連私人時間都唔可以好好享受⋯⋯ 直到最近,個人壓力真係大左好多,忍唔住逼自己做返d可以放鬆心情既事,有時耐無自己私人時間,都唔知Me Time做咩好,所以我都想分享一下我平時既減壓方法!等媽媽們可以試下! 1. 整甜品 最近都好流行翻糖蛋糕/ 曲奇,成品出到黎多數都會好靚好治療,所以我有時都會mon住間烘焙店幾時有workshop, 就會即刻報名去整下餅,環境靚,整既過程又會好開心,心情自然都會relax d! 成品出到黎仲好可愛添!望住都會覺得Relax! 2. Calligraphy 西洋書法 唔知呢到多唔多媽媽都鐘意寫字呢?我本身就無咩呢方面天份,但成日都有上網睇大寫字,每次睇個人都會好放鬆好有被治癮既效果,所以都的起心肝去學下寫字! 學寫字可以令個人學識放慢腳步,唔可以太心急~對於我成日湊到崩緊狀態非常有幫助!最近我係Beoneletter 到學緊寫西洋書法,老師教完我個字點寫,自己慢慢練,練到真係似模似樣個下,真係好開心同好興奮架! (練寫都不忘係寫個女既名) 3. 做運動 我明白做左媽媽之後,真係連做運動既時間都未必抽到(我都一樣) 但我都盡量試下一星期做一兩次帶氧運動/ 上YouTube做下d瘦身操,盡量等自己郁下同出身汗,做得多運動個人都真係會正面架!身型靚d,個人又會有自信d! 希望大家都可以建立到自己既Me Time活動,照顧小朋友唔容易,所以都要對自己好d,自己開心,湊小朋友先會有更大既力量!媽媽們,一齊努力! 鍾意我嘅分享可以Like我地Facebook同IG比個支持我!會更快知道我既Update架! Facebook:https://www.facebook.com/90sMummy/ Instagram: https://www.instagram.com/minarainlo/