副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【本地旅遊】火車鐵路主題酒店 x 火車展 x 超多打卡位

今次我哋去咗今年新開嘅「悦品度假酒店。屯門」享受我嘅Babymoon假期,地點都好方便就喺正屯門西鐵站旁邊,從屯門西鐵站步行大約3分鐘就到達。附近就係Vcity,行過少少就係屯門市廣場,所有有好多嘢行

  今次我哋去咗今年新開嘅「悦品度假酒店。屯門」享受我嘅Babymoon假期,地點都好方便就喺正屯門西鐵站旁邊,從屯門西鐵站步行大約3分鐘就到達。附近就係 V city,行過少少就係屯門市廣場,所有有好多嘢行、食。   而悦品度假酒店。屯門,地下仲有一個超大火車頭,而Check in大堂就位於2樓。     位於2樓嘅酒店登記大堂,好闊落。     呢到亦模仿咗紐嘅中央車站地標四面鐘作為擺設。   ^ 真係好似去咗外國旅行咁呀~   ^ 而四面鐘下面嘅小火車,除咗係擺設之外,每逢指住6字及12字,火車就會自己郁o架啦~   休息區係參照咗紐嘅中央車站嘅列車等候大堂嘅坐椅     仲有不同國家嘅時鐘,全部都跟當地時間o架~     ^ 酒店房間嘅匙卡   地下升降機電梯大堂,都裝修到好似列車一樣,真係好特別呢!!     ^ 升降機入面好有懷舊味道同旅行嘅設計風格   而2樓大堂最近仲有主題「鐵路模型。悅品旅程」展覽,火車迷一定要嚟欣賞哦~       ^ 呢到全部都係經典絕版嘅火車模型   酒店大堂近升降機位置嘅影相位~       而呢間酒店有13層樓,而每層客房都有唔同國家主題,包括有日本主題房、非洲主題房、泰國主題房及希臘主題房。而我哋今次係住,企鵝主題房~   ^ 日本主題房樓層   ^ 泰國主題房樓層   ^ 希臘主題房樓層   ^ 非洲主題房樓層   整個樓層由離開升降機開始,就會搵到企鵝~   ^ 必影打卡位「小企鵝去旅行」   ^ 房間嘅每一道門都有唔同嘅企鵝圖畫   房間裡當然都有好多好童趣可愛嘅企鵝佈置,房間都好舒適。     茶水間位置及衣櫃       每間房亦有提供成人及小童嘅酒店拖鞋。     浴室方面     ^ 成人小童刷牙用嘅套裝     ^ 個人衛生用品   ^ 廁所及沐浴間   仲可以度高~睇下小朋友有冇長高到先。     酒店餐廳「The Platter」 登記大堂嘅旁邊就係酒店餐廳「The Platter」,其中最特別就係入面有一列火車造型嘅雅座位置,而入口登記處仲放咗火車站嘅入閘機做裝飾。       火車造型嘅雅座,就真係好似火車車廂咁。 卡位大概有4張吧,如果想坐呢個位,訂台嘅時候需要預先同職員查詢哦~     ^ 真係好似去咗列車到開餐咁呀~     我哋當晚亦有於餐廳食自助晚餐,熟食有10款、沙律有3-4款、壽司刺身。       冷盤: 長腳蟹、青口、蝦等   熱食熟食: 麵檔、及其他美食   ^ 湯類及甜品: 忌廉椰菜花湯、人參雞湯及芝麻糊   ^ 壽司刺身   另外甜品較多,仲有Haggen Dazs雪糕任食添呀。         ^ 飲品: 凍檸茶、橙汁及凍咖啡   另外,仲有兒童餐可以點 ($140/份) 主菜四選一   最得意係,食完之後可以將所有餐盤砌成火車~~ 另外COZI 小企鵝仲可以$80/隻購買,帶佢返屋企~         用餐之餘,記得一定要去下餐廳入面嘅洗手間參觀呀。 酒店非常用心,甚至乎連洗手間都係以列車為主題。     每道廁所門,就設計到好似每卡列車入面嘅包廂車門咁。       當中酒店設施入面,仲有小朋友好鍾意嘅「兒童樂園」。     位於5樓嘅兒童樂園,空間都好大。呢到絕對可以讓小朋友消磨數小時,入面最吸引小朋友嘅絕對係迷你電動賽車場,車場佈置好似賽車場咁。     而電動車款仲好可愛,車款都多包括McLaren、Maserati及Audi等!。       ^ 有靚車仲有綿羊仔款     *適合身高90-120cm, 11歲或以下之小童遊玩   另外亦有其他車仔款,適合幼兒玩樂。     仲可以玩職業體驗遊戲,扮消防員、太空人、俏護士同醫生等。       另外亦有玩樂區,入面有唔少玩具,滑梯玩具組等。 此區亦適合幼兒進入遊玩。   ^ 滑梯組   ^ 廚房玩具   ^ 積木   ^ 車仔、火車玩具組   ^ 其他靜態玩具   ^ 進入遊戲區,請先除鞋及穿上襪子   只要係住客,都可以免費任玩兒童遊戲室嘅設施。     開放時間: 星期一至日: 上午9時至中午12時及下午1時至晚上9時       *溫韾提示* 進入兒童遊戲室,記得要穿著襪子。 電動車每節只限3-4位小朋友進入,每人限玩10分鐘。 另外,電動車均設有充電時間。 而排隊方面,當日亦有出現混亂情況,如未知輪候位置,或可與職員了解哦。     除咗小朋友嘅玩樂設施,酒店入面仲有健身中心及水療中心同埋泳池。   ^ 位於4樓嘅健身中心及水療中心   ^ 有唔同嘅水療計劃,價目表。媽媽可以趁小朋友瞓咗,叫老公睇住小朋友落嚟MeTime啦~ 不過,職員話泳池暫時未能使用,要到明年先正式開放。     酒店2樓近升降機處,仲有自助售賣機。       【悦品度假酒店.屯門(Hotel Cozi Resort)】 地址:香港屯門建豐街4號悦品度假酒店 電話: 3899 9288 電郵: info.resort@hotelcozi.com https://www.hotelcozi.com/hotelcozi/zh-tw/home   -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。