今年暑假, 我地進行咗一項巨大工程 --- 戒片!!! 由7月頭去完旅行返嚟, 我地就實行响屋企唔著尿片ge生活, 有點意外地, 唔駛一個月米豬已經可以自己表達去vivi, 冇再瀨濕~ 不過我仲未敢挑戰去街唔著片呀~ 夜片都未戒, 但我曾經同戒夜片擦身而過... 今日就同大家講吓我地點戒片啦~ 媽媽ge準備功夫: 米豬 1隻 短褲仔 20條 底褲仔 買吓買吓, 成30條XDD 戒片褲 5條 洗浸瀨尿褲專用盤仔 1個 腳踏 1個 兒童尿兜 1個 (多謝舅父仔送比米) 兒童廁所板 1個 唔再用ge沙灘大毛巾 1條, 剪開8幅 膠highchair連防水墊 1張 防水床墊 3張(大床, 米床梳化各1) 噴壺 1個 心理準備 開始戒片前2個月, 同米豬無限loop咗d關於戒片ge繪本, 包括 "米米上廁所" 同埋 "小男生上廁所" 比佢知道, 大個咗, 可以唔著片片ga na~ 有時沖完涼, 仲會同佢攤多陣先著片, 等佢feel吓唔著片有幾爽皮~ (各位媽媽都知道夏天M到仲要挾住條M巾有幾辛苦, BB們仲要兜住條厚厚片, 幾透氣都假啦) 放暑假前, 學校有2節toilet training時間, 成班小朋友一齊去廁所, 識去vivi ge就vivi, 唔識ge就洗手, 期間老師同姨姨們都會帶未識自己去廁所ge小朋友去試吓vivi, 未必一吓就屙得出, 但係去同廁所/尿兜認識吓都係一件好事~ 開始戒片 暑假一開始我地就去咗旅行, 旅行返嚟之後, 就同米豬講, 我地大個仔, 唔著patpat喇~ 當然唔小得超精美底褲仔啦~ 包包超人同車車當然唔小得啦~ 頭2日, 試吓著戒片褲先~~ 同時, 都包晒張梳化 以免佢响梳化瀨尿時我崩潰 不過好多時都比呢隻馬騮當咗新遊樂場 佢話佢匿埋咗叫我捉佢 -_- 初時就keep住個零鐘問佢去唔去廁所, 之後都係唔肯屙, 但係不停咁瀨......... 瀨咗就自己洗啦~!! 然後發現呢條友仔好enjoy洗底....... -_-|| 轉玩法, 瀨咗之後原隻捉入浴缸, 教佢自己除咗D濕咗ge褲出嚟, 期間就抹返佢瀨濕咗ge地下, 我會乾布索晒之後擰水抹2次, 再用噴壺噴滴露消毒地下(順便僻味), 當然濕咗褲ge佢會癲咗啦~ T^T "媽媽唔要濕濕" "patpat唔舒服" T^T 轉個玩法 瀨同抹ge情況持續咗大約1星期, 米豬對於廁所好似有D恐懼, 死都唔企上去屙, 呢個時候舅父仔送ge尿兜就出場喇~!! 最初都唔肯屙ga~~ 但我用吱吱水壺吱到個尿兜風車係咁轉, 之後就同米豬講: 我地下次屙vivi fea到佢轉轉~~ 基於有目標要玩ge關係, 下一轉佢就接受咗個尿兜喇~~ 而且仲為咗有得fea佢轉, 想去vivi時會主動同我講tim~~ 當然唔小得獎勵啦~~ 每日我地都會揀定一款鐘意ge零食, 只要成功去vivi冇瀨到, 就可以食0個種零食啦喇~ 好彩米豬揀親都係細細粒碎濕濕0個D, 每次比5粒佢已經開心到跳起 (媽媽平時响屋企對零食派放好嚴, 但出街就放題XD), 仲facetime同婆婆講自己叻叻有叫去屙vivi所以媽媽獎佢食零食, 3日後响屋企已經完全唔駛著片喇! yeah~!!! 不過出街都有d淆底佢瀨, 所以都有著片, 但出門口前都會問吓佢, 你要唔要vivi呀? 一般都會vi小小, vi完先著片落樓, 如果只係3-4個鐘, 返屋企條片都係乾ga!~~ 脫離尿兜 一路响尿兜屙咗2-3星期度, 偶然有1-2次玩得太癲唔記得叫去vivi而失手, 忽然間有一日, 玩玩吓跑嚟同我講 "媽媽屙vivi" 咁如常咁帶佢去廁所啦~ 向住尿兜準備除褲仔之際............ 米"唔要屙轉轉" 媽"咁响邊屙呀?" 米(指住廁所)"屙呢度" 得~! 即刻拎返响廁所入面默默等候ge腳踏出嚟~ 就呢刻開始,就同小青蛙尿兜講再見喇~~~ 校內戒片 8月中開學2星期後, 有一日放學, 班主任問我, 米豬戒咗片未, 唔知响屋企清醒時間唔需要再著片算唔算戒咗呢? 老師話算係ga na~ 所以就suggest我下星期開始, 响學校唔再著片片, 老師你地唔怕抹地, 我當然樂意配合啦XD 第一日著戒片褲返學(我都驚著普通底底一瀨抹到姨姨們傻, 所以由戒片褲做起), 老師話同火米豬去咗3次廁所, 但每次佢都好抗拒, 唔比老師同佢除低條褲仔屙vi, 結果忍到放學就瀨咗了......... 如是者成2個星期, 繼續抗拒老師同佢去廁所, 我朝早都特登同佢去一次先返班房, 但老師話除唔到褲仔咁瀨都冇辦法, 唯有等佢自己識除先再响學校戒片啦 殘念des ne............ 某次忍到放學先瀨濕, 响換片房賴死唔走 -_- 米豬戒片算唔算好成功? 對媽媽嚟講, 响屋企同婆婆屋企冇瀨, 就算玩到癲咗, 急急會叫我同佢去屙vi, 有時著咗片都照話急vi要我同佢屙, 我已經覺得成功咗一半ga na~~ 不過有一個星期都好沮喪ga, 就係成功戒片後3星期, (其實連夜片都乾咗3星期, 真心打算戒埋夜片) 但係米豬忽然間發燒, 燒足3日38.8度 燒到趴响度唔郁ge可憐寶寶 食葯先退, 見佢唔舒服就同佢著返片, 等佢唔駛驚住瀨濕, 可以好好休息, 結果一星期好返晒之後, 戒片又由零開始 Orz 不過有咗之前ge經驗, 今次一星期就回復正常喇~~ 但係夜片就變返朝朝飽滿..... 唔緊要啦~ 我已經覺得你好叻仔ga na~~ d^3^b 一步一步慢慢嚟啦~ 好慘豬燒到趴响度唔郁...... 下一步, 向唔駛著片去街進發~!! 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/
