話說，之前嚟過好幾次MegaBox 9樓嘅「九五茶座 放宮樂園」都好想入去睇下。今次就趁爸爸早收工，就入去玩下先。入到去，職員先介紹咗一個「電子動感遊樂祭」又食又玩家庭門票比我地，一個價錢可以又食又玩，包括有：九五茶座 精選套餐  +  遊戲卡一張（可以一小時任玩區內所有遊戲） + 50個遊戲幣。個人覺得都幾抵玩。 由於佢地餐廳暫定係收下午6:00，所以爸爸話早啲食，食飽飽先去玩～　九五茶座以懷舊港式冰室，大玩香港情懷主題，餐廳仲特別還原舊時場景同放咗唔同擺設，喺我地等嘢食嚟之前，我地都同Alfred 影咗唔小打卡相。  ▲大玩香港情懷主題 ▲懷舊擺設 ▲餐單 我地買咗嘅又食又玩家庭門票係包埋九五茶座入面嘅精選套餐，套餐有指定食品，包括有：至尊焗肉醬意粉／飯、公司三文治及 飛機小食拼盤 （有雞翼、薯條、春卷、吞拿魚三文治），味道唔錯之餘，一家三口食，份量都足夠！ 食飽飽後，Alfred就急不及待想要去玩了… 九五茶座另一邊係「電子動感遊樂祭」場地，場內有多部新款嘅遊戲機進駐，我地張家庭門票已包一小時任玩遊戲卡一張。雖然一小時感覺好似好短咁，但其實出去玩呢啲機動遊戲，每玩一次都係幾十秒至分零鐘左右，所以我地覺得一小時任玩，真係夠曬。而且我地一小時經已玩曬場內所有遊戲，Alfred甚至Encore 咗好幾種遊戲添！ 入面嘅遊戲大部份都適合大小朋友，甚至一齊玩。睇下Alfred同婆婆玩得幾咁開心～ ▲經典街機遊戲PONG  ▲射籃球機   ▲掉波遊戲 ▲揸船遊戲 當然還有其他好玩嘅機動遊戲啦！ 玩完唔同嘅機動遊戲後，我地當然繼續去玩啦，因為家庭門票係包埋50個遊戲幣，所以我地就用遊戲幣玩埋掟彩虹同夾公仔啦！ 掟彩虹我地就無著落啦，不過玩夾公仔機時，就非常幸運地夾到兩樣嘢！ ▲成功！ 我地玩完遊戲，仲可以用積分換禮物添，Alfred就揀咗貼紙一大張！  另外，我地臨走前去咗士多仔買咗唔小懷舊零食，仲比Alfred認識一下以前啲懷舊玩具添！真係令我諗返起兒時好多回憶呀！ ▲懷舊小食 ▲懷舊玩具 ▲仲有細個好興好紅嘅Yes Card 仲有日本動畫人物精美T-恤添，可以做親子裝架，價錢又唔算好貴。  最後，佢地而家做緊新會員7大優惠，千祈唔好錯過啦！入會即刻送優惠券同餐飲券，同埋迎新禮物。 總結：之前以為九五茶座係一個高消費嘅地方，估唔到佢個又食又玩家庭門票又幾抵玩，又食又可以玩，個人覺得係一個唔錯嘅親子好去處呀！ ================================= 九五茶座 放宮樂園 地址：九龍九龍灣 MegaBox 9F-23 查詢：2458 6032、9136 7735（Whatsapp） 茶座營業時間為：8AM-6PM （星期一至五）/ 8AM-7PM （星期六、日） 樂園營業時間為：11AM-9PM（樂園星期五六及公眾假期前夕為11AM-10PM） 專頁：https://www.facebook.com/95cafeOffworkKingdom/ ================================= （以上資料更新至撰文當日） 聯絡電郵： alfredbb325@gmail.com 最近開始玩IG，歡迎追縱：allaboutalfred 最近開始玩YouTube，歡迎追縱： allaboutalfred 追踪更多育兒生活分享，請按 Alfred 成長日記  駐站BLOGGER: