唯b同我嘅氣管都唔太好，每逢轉季都會咳 咳就算食完藥都唔易好番，又唔想小朋友食太多藥，所以研究吓唔同湯水，有助改善氣管咳。   **以下某啲食譜用上川貝，未必適合全部人嘅體質同情況，請大家自己衡量。   一、非洲海底椰無花果湯 材料（約4-5人份量）： 非洲海底椰　5錢 無花果乾 　5粒 杞子　40克 准山　1両 紅蘿蔔　1條 水　約1.5升   做法： 1. 紅蘿蔔去皮、洗淨切件 2. 浸洗其他材料 3. 將全部材料煲2小時即成   二、川貝龍脷葉蘋果湯 材料（約4-5人份量）： 龍脷葉　2両 無花果乾　5粒 蘋果　2個 川貝　20克 水　約1.5升   做法: 1. 龍脷葉清洗乾淨，川貝沖一沖水 2. 蘋果去皮去核切塊 3. 將全部材料煲2小時即成   三、川貝燉雪梨 材料（2人份量）： 川貝粉　約2.5錢 雪梨　2個 冰糖　2粒   做法： 1. 雪梨去皮、切頂挖芯，放入燉盅 2. 川貝粉加少少熱水開，分別倒入兩個雪梨內，各加入一粒冰糖，於燉盅內注入一半水，燉45分鐘 或者 1. 兩個雪梨去皮、切頂去芯、切件放入燉盅 2. 川貝粉加少少熱水開，倒入燉盅，於燉盅內注入一半水，放入兩粒冰糖，燉1.5小時   四、青橄欖桔餅湯 材料（約4-5人份量）：   青橄欖　約25粒 桔餅　5個 南北杏　約一両 陳皮　1塊 無花果乾　5粒 水　約1.5升   做法： 1. 所有材料洗淨 2. 陳皮浸軟、刮囊 3. 青橄欖洗淨切半 4. 將全部材料煲2小時即成   五、鷓鴣龍脷葉雪梨湯  材料（約4-5人份量）： 鷓鴣　1隻 龍脷葉　1両 雪梨　2個 南北杏　1両 蜜棗　2粒 水　約1.5升 雪耳　1個   做法： 1. 鷓鴣去皮、汆水（我買的是急凍鷓鴣，已劏好） 2. 雪梨去皮、切件 3. 其他材料浸洗乾淨 4. 把所有材料（連已汆水的鷓鴣）放入清水，煲1.5小時就完成   Like our Facebook Page: https://www.facebook.com/weplaynlearn/ Follow us on Instagram: http://www.instagram.com/kly.chu