副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【產後修身大作戰 】紮肚初體驗(上集)

0次閱讀 | 0個評論

  一直都覺得女人生仔真係好大犧牲,除左要受十級痛之外,最傷心莫過於產後身材走哂樣!有時影相見到自己,都唔相信自己肥左咁多!誰說餵人奶會修身快?只能說這些機會不是我的???? 這次懷孕我總共肥左45磅,雖然產後已經冇左20磅,但係因為第二胎關係,個肚特別大,樹熊妹滿月時我仍然似懷孕5個月,自己懷孕期又冇介口又冇做運動,攪到產後仍然肥腫難分,有時見到同自己咁肥都冇心機同樹熊妹影相????有次係地鐵站有個嬸嬸讓位比我,真係超尷尬????終於我的起心肝要進行 #產後減肥計劃!    其實係產前媽媽谷已經有媽媽講開一定要去紮肚,大家都明白,產後個肚係最難收,有d媽媽明明係瘦底,但個肚到宜家仍然未收哂,何況我呢d肥底媽媽? 開頭有媽媽係媽媽谷搵左d紮肚團購,係一d細公司,價錢係$6-$8千,我先知原來紮肚療程價錢都唔平,所以我覺得更加要搵間信譽好有信心保證的紮肚公司! 上網搵左好幾間比較出名的紮肚公司,唔知點解每問到整個療程價錢佢地就左閃右避,好似天大秘密咁,唯獨呢間Newborn mama, 所有療程明碼實價寫哂係網頁,自己有預算上去做療程就放心d喇!而且有好多星級媽媽產後都搵佢地做紮肚療程,如樂基兒、張名雅、蔡雪等!剛好見有得試做,係銅鑼灣又有分店,所以就決定約期上去試試!    第一次上去,先登記資料,然後紮肚師會先幫我用尺度肚圍和影相,記錄低我未紮肚前肚腩的嚴重情況!    之後就會講解一下療程程序,紮肚師會先用儀器幫我腹部按摩 ,佢講解呢部機作用係令身體加速血液循環,提升新陳代謝率,可以達到收緊肚皮鬆弛作用!    紮肚師一直打圈按,感覺會微熱,做完15分鐘後,成個肚都紅哂,個肚暖暖的感覺好舒服! 然後會再以師傅雙手,加上有機精油腹部按摩,紮肚師話可以幫助清除肚風及宿便!按摩30分鐘後就可以開始紮肚喇!    開始紮肚前,紮肚師會先用獨家調配草本配方係我肚臍範圍塗上,幫助產後驅風暖宮!    然後就開始紮肚,紮肚師講解佢地用三重束腹包紮術(腰、腹、臀),幫助收細盤骨及復位,挺直上半身,改善產後身型! 佢地用三種不同物料,以三種不同方法去包紮,由於我係第一次包,紮肚師話不會包得太緊,讓我先適應一下!    呢個就係包完個樣喇!講真包完之後的確要適應一下,因為連盤骨位都紮實左,坐的話會感到有點不適,紮肚師建議我最好企不要坐,紮後最少4個鐘先可以拆開,最理想要紮6個鐘! 當晚我維持了3個鐘已經很想拆開,因為要照顧Timtam仔及機熊妹,不能彎腰和坐的確會有點困難,不過為左有理想效果,點都要撐落去!好彩老公都好支持我,幫手睇住兩個仔女,雖然佢唔信紮住個肚就可以瘦,仲話「真係咁容易世上就冇肥人啦」???? 我就要瘦比你睇!大家係咪都好想知我紮肚結果會係點?我都好想知呀!記得留意我facebook的update喇! FB: Timtam仔的成長日誌 (何時瘦返呢個樣?)   0次閱讀 | 0個評論 0腳印