問得好，做咗禁多年人對呢類尖銳的陷阱題從來都只有一種答案應對，「當然不會喇」。但係呢一個答案比較膚淺，答咗又等於無答。一個滿足唔到佢既答案，我相信精靈既太太唔會就此罷休。 突然間我諗起一套戲，係2008年上演既奇幻逆緣。故事大約講述男主角異於常人，一出世時如同垂死的老人家，可其後愈大愈年輕，然後電影著墨在他跟女主角的成長歷程剛好相反的奇幻愛情故事。我記得其中一幕男女主角躺在床上，女主角問男主角，「我的皮膚變老了，你還愛我嗎？」男主角回應，「若我長了暗瘡，晚上會尿床，你還愛我嗎？」然後在沈思著為何世上沒有永恆。 是的，世上沒有永恆，只有無數的唏噓。正如男女主角亦在人生中曾彼此錯過對方。 想深一層，若有永恆，誰會學懂珍惜？ 思前想後，我嘗試回覆她「十年前都唔會，十年後又點會呢」。其實，一起走過十多個年頭，大家的變化可不少。從雙十年華到而立之年，學習對別人的評價亦不再流於表面。更何況當太太他日粉褪色衰之時，也是我深陷中年發腹之日。建基於外表的愛情，多半失敗。 「十年後您又會唔會嫌我髮線後移滿臉油光同大肚腩？」 事實上，正是世上無永恆，才讓人懂得珍惜當下。 Facebook Page：泥圍爸爸的育兒時光 (https://www.facebook.com/laiwaipapa/) 歡迎大家Follow Facebook Page，多謝支持！