早前Bella唔舒服， 煮好清淡嘅粥粉比佢食左幾日， 稍有返胃口時但又唔可以大魚大肉， 就煮左呢個昆布豆腐牛肉羹比佢食， 材料好足，健康，飽肚， 食一碗當主餐已經好豐富。 其實羹類大致做法都差不多， 配料配搭得宜就會夾出個味道來， 而且我做呢款幼兒版唔用現成湯底調味， 用上浸香菇嘅水， 所以湯頭都有一陣天然香菇味， 稍加鹽粒便成，大人細路都啱食。   < 親子共食：昆布豆腐牛肉羹 >     材料（2人份）： 新鮮免治牛肉約100克 昆布（海帶）1-2支（如圖） 乾冬菇1-2隻 西蘭花2朵  粟米1/3枝（切粒） 甘筍1小節（切粒） 新鮮硬豆腐1/2磚 粟粉少量       做法： 靠冬菇洗淨，用半碗水浸軟，去頂切幼絲， 冬菇水留普著備用。     洗淨昆布，用水浸至軟身， 切幼條。     西蘭花用水浸半小時後沖洗乾淨， 切碎。     用一茶匙粟粉與牛肉拌勻。 如喜歡可落少許胡椒粉或天然菇粉同拌。     加入20-30ml開水把牛肉拌鬆。     豆腐切小粒。     把香菇水放入煲內， 再加入開水加至兩碗滿份量，開火煮至滾起。       滾起後下冬菇絲，昆布條，西蘭花碎，粟米粒及甘荀粒。     煮約5-8分鐘，再加入牛肉煮2-3分鐘，期間拌散牛肉。         再加入豆腐粒。   隨即打獻：   用兩茶匙粟粉與100-120ml開水混合，慢慢倒入鍋中攪拌， 直至湯底由水狀變成羹狀。           加鹽試味即成!!           ************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk           IG:  https://www.instagram.com/huihui_bella/   ~ BLOG足跡 (BEAUTY, LIFESTYLE,  MOM & BABY) ~   BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss